कोरोना महामारीमा सजकता अपनाउँदै नयाँ कार्यतालिका लागि छलफलमा जुट्ने कांग्रेस केन्द्रीय कार्यसमितिको निर्णय – Naya Bikalpa
November 20, 2026, Friday      Epaper

कोरोना महामारीमा सजकता अपनाउँदै नयाँ कार्यतालिका लागि छलफलमा जुट्ने कांग्रेस केन्द्रीय कार्यसमितिको निर्णय


नयाँ विकल्प,
काठमाडौं – नेपाली कांग्रेस केन्द्रीय कार्यसमितिको बैठकमा पार्टी नेताहरुबीच पार्टीको १४ औँ महाधिवेशनको कार्यतालिका संशोधन गर्ने विषयमा बिहिबार सहमति जुट्न सकेन ।


कोरोना महमारीको उच्च जोखिम बढेकाले भोली बस्ने केन्द्रीय कार्यसमितिको बैठकमा जनस्वास्थ्यको पूर्ण रुपमा पालना गरी नयाँ कार्यतालिका लागि छलफलमा जुट्ने भएको छ ।

बिहीवारबाट सुरु भएको केन्द्रीय समितिको बैठक केहि दिन जारी रहने छ ।

भदौ महिनाबाट वडा , पालिका , प्रदेश क र ख , प्रतिनिधि सभा निर्वाचन क्षेत्रीय अधिवेशन हुँदै क्रमशः प्रदेश र केन्द्रीय महाधिवेशन ०७८ मंसिरसम्ममा सम्पन्न गर्ने कार्यतालिका केन्द्रिय कार्यसमितिको बैठकले निर्माण गर्ने बताइएको छ ।


सभापति शेरबहादुर देउवा निवास बुढानीलकण्ठमा बिहीबार दिउँसोदेखि बसेको केन्द्रीय कार्यसमितिमा उपसभापति एवं राजनीतिक दल समायोजन समितिका संयोजक विमलेन्द्र निधिले समितिको प्रतिवेदन प्रस्तुत गरेको थिए ।

आज केन्द्रीय कार्यसमितिको बैठकमा सभापति शेरबहादुर देउवालाई प्रधानमन्त्री भएकोमा बधाई दिदैँ संसद विघटनको असंवैधानिक कदमका विरुद्धमा संविधानको मर्म अनुरुप सर्वोच्च अदालतको फैसलालाई स्वागत समेत गरिएको थियो ।

कोभिड–१९ को महामारी र बाढिपहिरोबाट पिडित जनताको रक्षा र राहतका कार्यमा सक्रिय भएर लाग्न समेत सरकारलाई सचेत गराइएको थिए ।

बैठकमा सहमहामन्त्री डा. प्रकाशशरण महत, केन्द्रीय सदस्यहरु आनन्दप्रसाद ढुंगाना, जीवन परियार, प्रदीप पौडेल, कल्याणकुमार गुरुङ, मोहनबहादुर बस्नेत, हृदयराम थानी, रमेश लेखक, कर्णबहादुर बुढा र योगेन्द्र चौधरीले धारणा व्यक्त गरेका थिए ।

भोली कार्यसमिति बैठक बिहान ११ बजे सभापति देउवा निवास, बुढानीलकण्ठमा पुनः बस्ने नेपाली कांग्रेसका मुख्य सचिब कृष्णप्रसाद पौडेलले बताए ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७८ श्रावण २८, २३: ५६

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७८ श्रावण २८, २३: ५६

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७८ श्रावण २८, २३: ५६

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...