अफगानिस्तानबाट ६ सय ५४ नेपाली स्वदेश फिर्ता – Naya Bikalpa
November 20, 2026, Friday      Epaper

अफगानिस्तानबाट ६ सय ५४ नेपाली स्वदेश फिर्ता



नयाँ विकल्प,

काठमाडौं – अफगानिस्तानमा तालिबानले सत्ता नियन्त्रणमा लिएपछि स्वदेश फर्कने नेपालीको सङ्ख्या ६ सय ५४ पुगेको छ ।

सोमवार एक सय ४९ जना नेपाल आइपुगेसँगै स्वदेश फर्कनेको सङ्ख्या ६ सय ५४ पुगेको परराष्ट्र मन्त्रालयले जनाएको छ ।

उद्धार गरी स्वदेश फर्काइएका उनीहरूलाई सामाखुसीमा रहेको होल्डिङ सेन्टरमा लगेर कोरोना परीक्षण लगायतका प्रक्रिया पूरा गरी घर पठाइन्छ ।

अफगानिस्तानबाट उद्धार भइ दोहा, दुबई, लन्डन, र नयाँ दिल्लीमा रहेका नेपालीहरूलाई पनि काठमाण्डौसम्म ल्याउन पहल भइरहेको मन्त्रालयले जनाएको छ ।

मन्त्रालयले अफगानिस्तानमा रहेका नेपालीहरूलाई अनलाइनमार्फत निवेदन दिन आह्वान गरेको छ ।

अहिलेसम्म तीन सय ६१ जनाले निवेदन दिएका र उनीहरूको उद्धारको प्रयास भइरहेको मन्त्रालयले जनाएको छ ।

अफगानिस्तानमा नै रहेका र आफ्नो नाम दर्ता नगराएकाले आफैँ वा परिवारजनले कन्सुलर सेवा विभागको वेबसाइट https://nepalconsular.gov.np/  अनलाइन पोर्टलमा रहेको नामसहितको विवरण दर्ता गर्न विभागले भनेकाे छ । यसका लागि भाइबर र ह्वाट्सएप सुविधासहितको मोबाइल नम्बरहरू +९७७ ९७४९३२६४५८ (कन्सुलर सेवा विभाग), +९७७ ९७४९३२६४५९ (परराष्ट्र मन्त्रालय), +९७७ ९८४१ ७९२७७४ (सिचुएशन रुम, परराष्ट्र मन्त्रालय) र +९१ ८९२९६०१९२५ (नेपाली राजदूतावास, नयाँ दिल्ली) प्रयोग गरी विवरण टिपाउन मन्त्रालयले अनुरोध गरेकाे छ ।

नाम टिपाएकामध्ये उद्धार भइ सुरक्षित गन्तव्यमा पुगेपछि त्यसकाे जानकारी माथि उल्लेखित फोन नम्बरहरू, ह्वाट्सएप, भाइबर  वा अनलाइन पोर्टलबाट दिन अनुरोध गरिएकाे छ 

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७८ भाद्र ७, २१: ३८

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७८ भाद्र ७, २१: ३८

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७८ भाद्र ७, २१: ३८

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...