
नयाँ विकल्प,
काठमाडौं – अफगान स्वास्थ्य मन्त्रालयले पुनः काबुल विमानस्थल नजिक विस्फोट भएको पुष्टि गरेको छ ।
विस्फोटमा के कति क्षति भयो भन्नेबारेमा भने विवरण प्राप्त भइसकेको छैन ।
स्वास्थ्य मन्त्रालयका एक अधिकारीले विमानस्थल नजिकै रहेको एउटा घरमा रकेट ठोक्किएको जनाएका बीबीसीमा उल्लेख छ ।
यसअघि बिहीवार पनि काबुल विमानस्थलबाहिर विस्फोट भएको थियो । त्यो विस्फोटमा एक सय ७० जनाभन्दा बढीको ज्यान गएको थियो ।
त्यस विस्फोटमा डेढ सयभन्दा धेरै घाइते भएका थिए ।
बिहीवारको विस्फोटको जिम्मा इस्लामिक स्टेटको स्थानीय शाखा इस्लामिक स्टेट–केले लिएको छ ।
काबुल विमानस्थलमा भएको आक्रमणको जवाफमा अमेरिकाले अस्ति शुक्रवार पूर्वी अफगानिस्तानमा ड्रोन हमला गरेको थियो ।
आक्रमणमा आईएस–केका दुई जना सदस्य मारिएका र उनीहरू काबुल विमानस्थल बम विस्फोटका रणनीतिकार रहेको अमेरिकाले बताएको छ ।
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...
काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...