गच्छदार मनाउँदा कांग्रेसमा बबण्डर – Naya Bikalpa
November 19, 2026, Thursday      Epaper

गच्छदार मनाउँदा कांग्रेसमा बबण्डर

काठमाडौं । नेपाली कांग्रेसमा गत असोज २९ गते नेपाल लोकतान्त्रिक फोरमलाई बिलय गरेका विजयकुमार गच्छदारलाई मनाउने बिषयलाई लिएर कांग्रेसमा बिबाद चुलिएको छ ।

एकातिर गत स्थानीय निर्वाचनको समिक्षा गर्न अहिलेसम्म नसकेको कांग्रेस अर्कोतिर गच्छदारसहित कांग्रेसमा प्रवेश गरेका फोरम लोकतान्त्रिकका नेता र कार्यकर्तालाई मनाउने बिषयलाई लिएर कांग्रेसमा किचलो शृरु भएको हो । गच्छदारले पार्टी एकता हुँदा आफूलाई दिएको आश्वासन र सहमति कार्यानवयन गर्न पार्टी नेतृत्वलाई यसअघि नै दबाब दिएका थिए ।

गच्छदारले आफू र आफ्ना नेता, कार्यकर्तालाई कांग्रेसले समायोजन नगरेमा पार्टीबाट अलग हुने चेतावनी दिइसकेका छन् । गच्छदारको चेतावनीबाट हच्किएका सभापति देउवाले पहिलो चरणमा गच्छदारसँग कांग्रेस प्रवेश गरेका फोरम लोकतान्त्रिकका सदस्यहरुलाई क्रियाशिल सदस्यता वितरण गर्ने कार्य शुरु गरेको छ ।

गच्छदार निकटकालाई नयाँ क्रियाशिल सदस्यता वितरण गर्ने बहानामा सभापति देउवाले आफ्नो गुट बलियो बनाउन जताभावी सदस्यता बितरण गरेको भन्दै संस्थापन इतरका नेताहरु देउवासँग सशंकित भएका छन् ।

गच्छदारले केन्द्रीय समितिमा १५ जना आफ्ना कार्यकर्तालाई समावेस गर्न दबाब दिइरहेका छन् भने उनीसँगको सहमतिलाई कार्यान्वयन गर्न समेत महासमिति भेला आवश्यक पर्छ । महासमिति भेलापूर्व नै गच्छेदारसाग आएका नयाँ कार्यकर्तालाई क्रियाशिल सदस्यता दिन सभपाति देउवाको निर्देशनमा पार्टी केन्द्रीय कार्यालयले काम गरिरहेको स्रोतले जनायो ।

यसका लागि सभापति देउवाले गच्छदारका करिब १७ हजार नयाँ कार्यकर्तालाई सदस्यता वितरण गर्ने योजना बनाएका छन् । यही बहानामा आफू निकटका र प्रभावमा रहेका जिल्लामा नयाँ सदस्यता फारम पठाएको सूचना आफूले पाएको नेता अर्जुननरसिंह केसी वताउँछन् ।

क्रियाशिल सदस्यता बितरण गरेकै आधारमा महासमिति र महाधिवेशन प्रतिनिधिको संस्था थप्ने र संस्थापनइत्तर अर्थात रामचन्द्र पौैडेल र कृष्णप्रसाद सिटौला गुटलाई कर्नरमा पार्ने योजना बनाएका छन् ।

संस्थापन पक्षको यस्तो रणनीतिबाट झस्किएका पौडेल र सिटौलाले भने सभापति देउवालाई पहिले प्रदेश समितिको निर्वाचन र विभाग गठन तत्काल गर्न दबाब दिइरहेका छन् । तर सभापति देउवा भने आफू पराजित हुने प्रदेश समिति गठन नगरी पेलेरै जाने मनस्थितिमा छन् । रुपन्देही, सर्लाही लगायतका जिल्लामा आफूखुसी र बिधि बिधान विपरित सदस्यता बितरण हुन थालेको सूचना प्राप्त भइसकेको नेता केसी बताउँछन् ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ श्रावण १४, ०७: ४२

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ श्रावण १४, ०७: ४२

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ श्रावण १४, ०७: ४२

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...