सुविधामा भन्दा जनताको मन जित्न सफल बन्नुपर्छः प्रधानमन्त्री

नयाँ विकल्प
प्रकाशित मिती: २०७५ श्रावण ३१, १२: १८

काठमाडौं । प्रधानमन्त्री केपी शर्मा ओलीले सुविधा कानूनले दिएको भनेर उपभोग मात्र गरेर बस्नु नहुने भन्ने जनप्रतिनिधिलाई सुझाव दिएका छन् । राजनीतिमा त्याग पनि महत्वपूर्ण रहेको स्मरण गराउँदै उनले त्यस्ता सुविधालाई अत्यावश्यक बाहेक अहिले त्याग गरेर जनताको मन जित्न सफल हुनुपर्ने बताए ।

बिहीबार सिंहदरबारमा अन्तर्क्रियामा बोल्दै प्रधानमन्त्रीले जनप्रतिनिधिले विभिन्न सुविधा उपभोगमा मात्रै ध्यान दिएको र कतिपय ठाउँमा मेयर, उपमेयर, अध्यक्ष, उपाध्यक्षले महंगा गाडी किनेको, कतिपय वार्ड अध्यक्षले डोजर किनेर सडक बनाउने ठेक्का आफैं लिएका गुनासाहरु आएका पाइएकोे बताए । ‘तपाईंहरु जनप्रतिनिधि हो । त्यसकारण जनताले नरुचाउने काम नगर्नुहोस् । जनताले जे रुचाउछन् त्यस काममा केन्द्रित हुनुपर्छ भनेका छन् ।

गाउँपालिका दुर्गम ठाउँमा हुने, साधन स्रोतको कमी हुने भएकोले त्यहाँका जनप्रतिनिधिले धेरै चुनौतीमा काम गर्नुपर्ने बाध्यता भएपनि देश निर्माणको जग भनेको तपाईंहरु नै हो र दुर्गमका बस्तीहरु, राज्यको सेवा सुविधा नपुगेका जनताहरुमा तपाईंहरुले नै सेवा प्रवाह गर्ने हो ।’ स्थानीय तहका जनप्रतिनिधिका कामबाट जनताले प्रदेश र संघीय सरकारप्रतिको पनि धारणा बनाउने भएकोले आफ्नो आचरणमा विशेष ख्याल गर्न सुझाएका छन् ।