मंसिर ९ मा कुनै पनि हालतमा महाधिवेशन हुन सक्दैन: मिन विश्वकर्मा – Naya Bikalpa
November 21, 2026, Saturday      Epaper

मंसिर ९ मा कुनै पनि हालतमा महाधिवेशन हुन सक्दैन: मिन विश्वकर्मा

काठमाडौं । माघको पहिलो या दोस्रो हप्ताभित्र पार्टीको चौधौं महाधिवेशन सम्पन्न हुने गरी नयाँ तालिका बनाउनुपर्ने नेपाली कांग्रेसका नेता मीन विश्वकर्माले बताएका छन् ।

पत्रकारसँगको कुराकानीमा नेता विश्वकर्माले कोभिड–१९ का कारण महाधिवेशन रोकिएको र अहिले सहज भएपछि नयाँ तालिका बनाउने बारे पार्टी भित्र छलफल भइरहेको जानकारी दिए । तिहार अगाडि बस्ने केन्द्रीय कार्यसमितिको बैठकले पदाधिकारीले ल्याएको प्रस्तावलाई अनुमोदन गर्ने जिकिर गरे ।

मंसिर ९ मा कुनै पनि हालतमा महाधिवेशन हुन नसक्ने ठोकुवा गरेका नेता विश्वकर्माले भने, ‘अहिले आम नेता कार्यकर्ता साथीहरुमा अन्योल छ । कतै वडाको अधिवेशन भएको छैन, कतै महाधिवेशनको मिति आइसक्यो । दसैं अगाडि गर्ने भनिएका पालिका र जिल्ला तहको अधिवेशन विविध कारणवश हुन सकेनन् । कात्तिकभित्र पालिकाको अधिवेशन गरी मंसिरभित्र सबै प्रदेशको अधिवेशन गर्ने अनि माघको पहिलो या दोस्रो हप्ताभित्र राष्ट्रिय महाधिवेशन हुने गरी अर्जुनदृष्टि लगाउनुपर्छ भन्ने मेरो सुझाव छ ।’

पार्टीभित्र रामचन्द्र पौडेल समूहले एकातिर महाधिवेशन सुचारु हुन नदिने अनि अर्कातिर समयमै किन गरिनस् भन्ने द्वैध चरित्र देखाइरहेको समेत नेता विश्वकर्माले आरोप लगाए । वडा अधिवेशनमा शेरबहादुर देउवा पक्ष कमजोर भएकाले महाधिवेशन सार्न खोजेको आरोप मात्र भएको विश्वकर्माको दाबी छ ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ कार्तिक २, १२: ४०

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ कार्तिक २, १२: ४०

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७८ कार्तिक २, १२: ४०

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...