‘संसद विघटन’ असंवैधानिक ठहर गर्ने ५ न्यायाधीशको ओलीले मागे राजिनामा (भिडियाे सहित) – Naya Bikalpa
November 21, 2026, Saturday      Epaper

‘संसद विघटन’ असंवैधानिक ठहर गर्ने ५ न्यायाधीशको ओलीले मागे राजिनामा (भिडियाे सहित)

फाइल फाेटाे


काठमाडौं। प्रमुख प्रतिपक्षी दल नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले प्रतिनिधिसभा विघटन गर्ने आफू नेतृत्वको सरकारको निर्णयलाई असंवैधानिक ठहर गर्ने सर्वोच्च अदालतका पाँच न्यायाधीशको राजिनामा मागेका छन्।


सर्वोच्चले प्रतिनिधिसभा पुनस्र्थापना गर्ने भनी फैसला गरेको एक सय दिन कटेपछि सो फैसला गर्ने प्रधानन्यायाधीशसहित सर्वोच्च आदालतका चार न्यायाधीशले राजिनामा दिनु पर्ने बताएका हुन्। उनले संसद पुनस्र्थापना गर्दै शेरबहादुर देउवालाई प्रधानमन्त्री बनाउन परमादेश दिने पाँचै न्यायाधीशले राजीनामा दिनुपर्ने ओलीको माग छ।

सर्वोच्चकै न्यायाधीशहरु, नेपाल बार एशोसिएसन, पूर्व प्रधानन्यायाधीश लगायतले प्रधानन्यायाधीश चालेन्द्र शम्शेर जबराको राजिनामा माग गरिरहेको बेला ओलीले भने जबरालाई नै टेवा पुग्ने गरी अन्य चार न्यायाधीशको पनि राजिनामा मागेका हुन्। सवैतिरबाट राजिनामा मागिएपछि दबाबमा परेका जबराले मात्र नभएर परमादेशको फैसला गर्ने संवैधानिक इजलासमा रहेका वाँकी चार न्यायाधीशको पनि राजीनामा मागेका छन्।

नेकपा एमालेको ७ सय ५३ वटै गाउँ तथा नगर अधिवेशनको भर्चुअल उद्घाटन गर्दै ओलीले न्यायाधीशहरुले नै सर्वोच्चको मानमर्दन गरेको भन्दै परमादेश एक जनाले होइन, पाँचै जनाले गर्नुभएको भन्दै एक जनाले मात्र नभएर पाँचै जनाले परमादेश गरेर देशलाई यो हालतमा पुर्याएकाले सबैले राजिनामा दिनु उपयुक्त हुने बताएका हुन्।

पछिल्लो समय जनतालाई मर्का परेका मुद्दाहरु पेण्डिङमा रहेको, तर नक्कली मुद्दाहरु खडा गरेर राजनीतिको थलो बनाउने काम भइरहेको आरोप लगाउँदै ओलीले अदालतलाई विवाद र तमासाको थलो बन्न नदिन आग्रह समेत गरे। ‘के न्यायालयप्रति न्याय पाइन्छ भन्ने विश्वास छ?’ उनले प्रश्न गरे, ‘जनतालाई मर्का परेको विषय पेन्डिङमै छ। नक्कली मुद्दा खडा गरेर अदालतलाई राजनीतिको थलो बनाउने काम भइरहेको छ।’

भिडियाे…

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०७८ कार्तिक ९, १५: ४७

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ कार्तिक ९, १५: ४७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ कार्तिक ९, १५: ४७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...