
काठमाडौं । नेपाल बार एशोसिएशनले सर्वोच्च अदालतमा आइतबारबाट प्रधानन्यायाधीस चोलेन्द्र शमसेर जबराको राजीनामा माग्दै विरोधका कार्यक्रम सुरु गर्ने भएको छ ।
सर्वोच्च अदालतमा आजबाट विहान १० बजेदेखि ११ बजेसम्म लगातार तीन दिन कालोेपट्टी बाँधेर विरोध गर्ने कार्य कार्यक्रम रहेको बार एशोसिएशनले जनाएको छ । त्यस्तै प्रधानन्यायाधीश जबराको शैली र प्रवृत्तिविरुद्ध न्यायालय सुधारका लागि संघर्षरत न्यायाधीशहरू आजपनि इजलासमा नबस्ने बताएका छन् ।
प्रधानन्यायाधीश जबराले न्यायपालिकाको स्वच्छता, विकृति, भ्रष्टाचार, विसंगति रोक्न नसकेको र न्यायलयको गरिमा कायम राख्न नसकेको कारणले उनको राजीनामा मागेको नेपार बार एशोसिएसनका महासचिव लीलामणि पौडेलले बताए ।
सर्वोच्च अदालका बिदामा रहेका न्यायाधीशद्वय सपना प्रधान मल्ल र अनिलकुमार सिन्हा आज अदालत आउदैछन् । उनीहरूसहित बैठक बसेर ठोस निचोडमा पुग्ने एक न्यायाधीशले बताए ।
नेपाल बारका अनुसार गत कात्तिक १२ गते बसेको बारको बैठकले जबरालाई प्रधानन्यायाधीश पदबाट राजीनामा दिन पाँच दिनको समयसीमा दिने निर्णय गरेको थियो । यहि १६ गतेसम्म पनि राजीनामा नआए थप विरोधका कार्यक्रम घोषणा गरिनेछ ।
जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...