प्रेस विरोधी ऐन विरुद्ध महासंघ सडकमा ! – Naya Bikalpa
November 19, 2026, Thursday      Epaper

प्रेस विरोधी ऐन विरुद्ध महासंघ सडकमा !

काठमाडौं । भाद्र १ गतेबाट देवानी र फौजदारी ऐन लागू भएपश्चात मुलतः नेपाली संचार क्षेत्र आन्दोलित हुन पुगेको छ । देवानी र फौजदारी संहिता ऐन पूर्ण रुपमा कार्यान्वयन भएमा नेपालको प्रेस स्वतन्त्रता नै कुण्ठित हुने भन्दै नेपाल पत्रकार महासंघको पहिलो चरणको कार्यक्रम अन्तर्गत शुक्रबार बानेश्वर संसद अगाडि नै प्रदर्शन भएको छ ।

पहिलो चरणको कार्यक्रम अन्र्तगत पत्रकारितासँग सम्बन्धीत संघ– संस्था, संगठन, बुद्धिजीवि लगायत छलफल, अन्तरक्रिया तथा देवानी र फौजदारी ऐन संहिताको कानुनी बाधा अड्चन के–के हुन पहिचान गरी प्रधानमन्त्री, मन्त्री तथा संसदमा ज्ञापन पत्र बुझाउने रहेको थियो । पहिलो चरणको अन्तिम कार्यक्रम अन्र्तगत सडकमानै संचार उपकरण तथा कलम सडकमा नै राखेर प्रदर्शन गरेका हुन् ।

संसद अगाडि बानेश्बरमा सबै राजनैतिक दलको आँखा पर्ने र सबै राजनीतिक दलहरुले प्रतिनिधित्व गर्ने संसदसम्म उक्त ऐनले नेपाली प्रेसलाई अंकुश लगाउने भएकोले संसदलाई नै सुनाउन सडकमा कार्यक्रम गरेको महासचिव रमेश विष्टले बताए ।

उक्त प्रदर्शन कार्यक्रममा विभिन्न संघ–संस्थाहरुको उल्लेखनिय उपस्थिति रहेको थियो भने संघ–संस्थाका प्रतिनिधि तथा प्रमुखहरुले फोटो क्यामेरा, डायरी, कलम लगायत टेलिभिजन क्यामेरासमेत सडकमै राखी प्रदर्शन गरेका थिए ।

त्यसैगरी, पत्रकारितासँग सम्बन्धित संघ–संस्थाका प्रतिनिधिले ऐक्यवद्धता जनाउँदै ऐन खारेज नभएसम्म आन्दोलनलाई अगाडि बढाउन महासंघलाई सुझाव दिँदै सरकारले ऐन नसच्याए नेपाली प्रेसले संशक्त आन्दोलन अगाडि बढाउने समेत प्रतिबद्धता व्यक्त गरे ।

नेपाल पत्रकार महासंघका अध्यक्ष गोविन्द आचार्यले सम्बोधनको क्रममा सरकारले संहित नसच्याए घुँडा टेकाएरै छाड्ने प्रतिबद्धता व्यक्त गरे । पत्रकार महासंघले आयोजना गरेको उक्त कार्यक्रमको संयोजन उपाध्यक्ष दीलिप थापामगरले गरेका थिए भने कार्यक्रम संचालन सचिव रामप्रसाद दाहालले गरेका थिए ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ भाद्र २५, ०६: ३८

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ भाद्र २५, ०६: ३८

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ भाद्र २५, ०६: ३८

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...