११९ वर्षपछि पहिलोपटक भक्तपुर अस्पतालमा सञ्चालित आईसीयू सेवा बन्द – Naya Bikalpa
November 19, 2026, Thursday      Epaper

११९ वर्षपछि पहिलोपटक भक्तपुर अस्पतालमा सञ्चालित आईसीयू सेवा बन्द

भक्तपुर । स्थापना भएको ११९ वर्षपछि भक्तपुर अस्पतालमा पहिलोपटक सञ्चालनमा आएको बच्चाको आईसीयू सेवा बन्द भएको छ।

फागुन १ गतेदेखि अस्पतालका तत्कालीन मेडिकल सुपिरटेन्डन्ट डा सुमित्रा गौतमले सञ्चालनमा ल्याएको २० शय्याको आईसीयू सेवा उनी सरुवा हुने वित्तिकै बन्द गरिएको अस्पताल प्रशासनले जानकारी दिएको छ।

अस्पतालमा वर्षौंदेखि प्रसूति वार्ड सञ्चालनमा रहे पनि बच्चाको आइसियु नहुँदा आकस्मिक अवस्थामा बिरामीलाई अन्य अस्पतालमा रेफर गर्नुपर्ने अवस्था थियो ।

भक्तपुर अस्पताललाई रिफर सेन्टर हुन बाट बचाउने उदेश्यले सञ्चालनमा ल्याइएको बच्चाको आईसीयू ससेवा मेसु सरुवा भएलगत्तै बन्द भएको कर्मचारी बताउछन् ।

तत्कालीन मेसु डा गौतमले भक्तपुर अस्पतालमा बच्चाको आइसियु नहुँदा प्रसव पीडामा रहेका महिला र बच्चाको ज्यानै जाने अवस्था अन्त्य गर्न २० शय्याको एनआईसीयू र १६ शय्याको अर्को आईसीयू सञ्चालनमा ल्याइएको भए पनि आफ्नो सरुवा भएको केही दिन पछि नै बच्चाको आईसीयू बन्द भएको सुन्दा दुःख मात्रै होइन पीडा भएको बताइन् ।

अस्पतालले बच्चाको आईसीयू सञ्चालन गर्न थप छ जना नर्ससहितको जनशक्तिसमेत व्यवस्थापन गरेको थियो । उक्त बन्द गरिएको सेवा पुनः सञ्चालन ल्याएर सेवा दिन उनले आग्रह गरिन् ।

नमुनाका रुपमा सञ्चालित भक्तपुर अस्पतालमा बन्द आईसीयू तत्काल सञ्चालनमा ल्याउनुपर्ने र अस्पतालबाट बिरामी निजी अस्पतालमा रेफर गर्ने कार्य रोक्नुपर्ने जिल्ला समन्वय समितिका प्रमुख एवं अस्पताल व्यवस्थापन समितिका पूर्वअध्यक्ष नवराज गेलालले बताए।

अस्पतालले तयारी नै नगरी एनआईसीयू सञ्चालन गरेकाले बन्द गर्नुपरेको अस्पतालका मेडिकल सुपरिटेन्डेन्ट डा. श्रीधर ढुङ्गेलले बताए।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ फाल्गुन २६, १२: ५९

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ फाल्गुन २६, १२: ५९

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७८ फाल्गुन २६, १२: ५९

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...