दातृ निकायलाई समेत प्रभाव पर्ने गरी गभर्नरलाई निलम्बन गरिएको डा कोइरालाको जिकीर – Naya Bikalpa
November 20, 2026, Friday      Epaper

दातृ निकायलाई समेत प्रभाव पर्ने गरी गभर्नरलाई निलम्बन गरिएको डा कोइरालाको जिकीर

नयाँ विकल्प,

काठमाडौैं – नेपाली कांग्रेसका नेता शेखर कोइरालाले सरकारले हठातमा नेपाल राष्ट्र बैंकका गभर्नर महाप्रसाद अधिकारीलाई निलम्बन गरेर सरकारले गलत काम गरेको बताएका छन् ।

उनले अहिलेको संकटपूर्ण अवस्थामा गभर्नरमाथि गरिएको कारवाहीले विदेशी दातृ निकायलाई समेत प्रभावित बनाएको बताएका छन् । मंगलबार निजामती कर्मचारी युनियनले काठमाडौंमा गरेको कार्यक्रमलाई सम्बोधन गर्दै कोइरालाले गभर्नरलाई निलम्बन गर्दा अर्थतन्त्र झन् अप्ठ्यारो अवस्था तर्फ मोडिने बताए । देशको अर्थतन्त्र ओरालो लागेको बेला राष्ट्र बैंकको गभर्नर निलम्बन गरिनु गैरजिम्मेवारीपूर्ण काम भएको उनको भनाई छ ।

कोइरालाले ४० करोड विदेशी रकम नेपाल आएको र त्यसबारे छानबिन राष्ट्र बैंकले गरेको प्रसंग निकाल्दै विश्वमा जहाँ पनि अर्थमन्त्री र गभर्नरबीच खटपट चलिरहेको हुने बताउँदै यसैलाई ठूलो विषय बनाएर कारवाहीमा जानु ठूलो भुल भएको बताए ।

नेपालको अर्थतन्त्र र यसलाई सम्हाल्ने निकायप्रति विश्वको ध्यान जाने भन्दै उनले विश्व बैंक, एशियाली विकास बैंक, आइएमएफ र अरु धेरै दातृ निकायहरुमा यसले नराम्रो संदेश दिएको बताए । कोइरालाले सुपारी, मरिच, छोकडा, मटरदानाको आयात किन भइरहेको छ भन्ने प्रश्न गरेका छन् । यस्ता बस्तु आयात गर्दा अर्बौं विदेशी रकम खर्च हुने उनको भनाइ छ । ‘यति धेरै सुपारी किन चाहियो नेपाललाईरु त्यसको जवाफ सरकार र अर्थमन्त्रालयले दिनुपर्छ,’ उनले भने ।

कोइरालाले स्थानीय तह निर्वाचनका उम्मेदवार छनोटमा केन्द्रको हस्तक्षेप भएको भन्दै आपत्ति जनाएका छन् । उनले आफ्नै निर्णय र निर्देशन अवज्ञा गरेर केन्द्रबाट उम्मेदवार छनौटमा हस्तक्षेप भएको बताए ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ चैत्र २९, २०: ५९

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७८ चैत्र २९, २०: ५९

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ चैत्र २९, २०: ५९

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...