राजश्व र उच्च तहका व्यक्तिको आर्थिक विवरण राख्ने एभरेष्ट बैंकमा अस्थायी कर्मचारीको विगविगी – Naya Bikalpa
November 20, 2026, Friday      Epaper

राजश्व र उच्च तहका व्यक्तिको आर्थिक विवरण राख्ने एभरेष्ट बैंकमा अस्थायी कर्मचारीको विगविगी

काठमाडौं । २५ बर्षअघि भारतको पञ्जाव नेसनल बैंकको ज्वाइन्ट भेन्चनरमा नेपालमा खोलिएको एभरेष्ट बैंकले नेपालका उच्च प्रशासक र सांसदहरुको आर्थिक विवरण र सम्पतिको गोपनियता भंग गर्ने गरेको स्रोतको दाबी छ ।

भारतको पञ्जाव नेसनल बैंकको तर्फबाट एभरेष्ट बैंकको निर्देशकमा मनोनित भएका लिंगम्यान बैंकट प्रभाकार, व्यवस्थापन समूहका प्रमुख कार्यकारी अधिकृत सोमेश्वर सेठ, उप महाप्रवन्धकद्धय गिरिस कोली र राजिप जैनले उच्च प्रशासक र सांसदहरुको बैंक खाता र उनीहरुले राज्यबाट लिएको रकमको स्रोत र विवरण प्रभावमा परेर अन्यत्र चुहाउने गरेको बैक सञ्चालक समितिका एक सदस्यले वताए ।

सहायक महाप्रवन्धक केशवराज पौडेल र सन्तोष शर्मा भने बैकले लिने हरेक निर्णयमा अल्पमतमा पर्दै आएका छन् । मुलुकको सबैभन्दा महत्वपूर्ण प्रशासनिक कार्यालय रहेको सिंहदरबार भित्र वाणिज्य बैक वा नेपाल बैंक लिमिटेडको कार्यालय छैन । तर, उच्च प्रशासकलाई प्रभावमा पारेर नीजि क्षेत्रको बैंक एभरेष्टले हरेक मन्त्रालयका उच्च पदस्तदेखि न्युन आय भएका कर्मचारीहरुको आर्थिक हिसाव किताव गोप्य रुपमा तयार पार्दै अन्यत्र समेत पठाउने गरेको स्रोतको दाबी रहेको छ ।

अर्थमन्त्री र अर्थसचिवलाई प्रभावमा पार्न बैंकका संचालक प्रभाकर र प्रमुख कार्यकारी अधिकृत सेठले भूमिका खेलीरहेका छन् । उनीहरुले संसद सचिवालयका महासचिवलाई समेत प्रभावमा पारेर सबै सांसदले आफ्नो तलव भत्ता र सुविधा लिन एभरेष्ट बैकमा अनिवार्य खाता हुनै पर्ने नियम बनाइएको छ । अघिल्लो संविधानसभादेखि नै एभरेष्ट बैंकमा खाता नहुने सभासदले तलव भत्ता पाउँदैन थिए ।

उपत्यका र उपत्यका वाहिर गरी २८ वटा स्थानमा कर र राजश्व संकलन काउण्टर खडा गरी कुन व्यक्ति वा फर्मले कति कर तिर्छ र कति राजश्व कहाँबाट उठ्छ भनी आर्थिक गोपनियतालाई आफूसँग सीमित नराखी अन्यत्र चुहाउँदै आएको बुझिएको छ । जसले गर्दा नेपालका धेरै कर तिर्ने व्यक्तिको पहिचान उनीहरले गर्ने गरेका छन् ।

२८ वटा राजश्व संकलन केन्द्रबाट बैंकले राज्यबाट कुनै रकम नै नलिइ किन सेवा दिइरहेको छ भन्ने सम्वन्धमा बैंकले कुनै जानकारी दिएको छैन् । राष्ट्र बैंकको फितलो अनुगमन र गभर्ननरलाई नै प्रभावमा पारेर एभरेष्ट बैंकले अहिले हरेकजसो शाखामा अस्थायी र ज्यालादारी कामदारबाट बैंकिंङ कारोबार गरिरहेको छ ।

भोलीका दिनमा करार कर्मचारीले क्यास काउण्टरबाट आर्थिक अनियमितता गरेमा उनीलाई खोज्न नसक्ने चुनौति पनि थपिदै गएको छ । अदक्ष जनशक्तिलाई बिहान ९ देखि राति ७ बजेसम्म दैनिक १० घण्टा काम लगाउने गरेको पाइन्छ । त्यहाँ कार्यरत कर्मचारीलाई चरम आर्थिक शोषण हुँदा समेत राष्ट् बैंकले कानमा तेल हालेर बस्नुलाई सबैले आश्चर्यको रुपमा हेरेका छन् ।

एभरेष्टले हरेक शाखामा ४० प्रतिशत बढी कर्मचारी सुविधा सेवा नामक ब्रोकर कम्पनीबाट जनशक्ति लिने गर्छ । राज्यले न्युनस्तरको काम गर्ने श्रमिकलाई १३ हजार रुपैयाँ मासिक तलव दिए पनि एभरेष्टले एक कर्मचारीर्ला ९ हजार रुपैयाँमा चरम श्रम शोषण गरेर काम लगाइरहेको छ ।
हरेक ६ महिनामा केवाईसी फर्म भर्नुपर्ने, प्रत्येक पटक बैंक स्टेटमेन्ट लिँदा रकम शुल्क लिने एक जना सेवाग्राहीले रकम राख्न वा झिक्न एक घण्टादेखि २ घण्टासम्म उभिनु पर्ने र रेमिट्यान्सबाट रकम प्राप्त गर्दा दुख र झन्जट दिने गरेको गुनासो सेवाग्राहीको छ । बैंक खाता र बैंकको बारेमा सामान्य जानकारी नै नभएका कम तलवमा राखिएका कर्मचारीबाट सेवा लिन खोजेको एभरेष्टको चर्को व्याज लिने रणनीतिबाट आज देशका प्रमुख औद्योगिक क्षेत्रका व्यापारीहरु आन्दोलित छन् ।

एभरेष्ट बैंकले पहिले ६ प्रतिशत वार्षिक व्याजदरमा अटो लोन र घर जग्गा तथा व्यवसाय लोन भनेर स्वीकृत गर्ने अनि ३ महिनापछि देखि नै प्रत्येक महिना २ प्रतिशतको दर १७ प्रतिशतसम्म पुर्याउने गरेको पीडित र भुक्तभोगीहरु बताउँछन् । व्यसाय र ऋणीले निर्धारित समयमा ऋणको व्याज र साँवा बुझाउन नसकेपछि धितो वापत राखेको सम्पतिलाई बोलकबोलको माध्यमद्धारा सेटिंग गरी बिक्री गर्ने गरेका छन् ।

बैंकका अधिकांस कर्मचारीको काम नै चर्को व्याज तिर्न नसकेर थलापरेका सेवाग्राहीको धरौटीवापत राखेको सम्पतिमा आँखा लगाउनु रहेको छ । कौडीको भाउमा सवारी र घर जग्गा लिएर अकुत सम्पति आर्जन गर्नु बैंका उच्च तहका कर्मचारीको दिनचर्या नै हुने गरेको छ । एभरेष्ट बैंक चर्को व्याज र फसाउने रणनीतिका कारण व्यापार व्यवसाय गर्ने मानिसहरु यतिवेला एभरेष्ट बैंकलाई कानुन बमोजिम दर्ता र संचालनमा आएको बैधानिक लुटेरा बैंकको संज्ञा दिन्छन् ।

४५ बर्ष उमेर काटेका बुढा, बृद्ध र कार्यक्षमता नभएका कर्मचारीको रुखो व्यवहार तथा गैरजिम्मेवारपूर्ण व्यवहारबाट सेवाग्राहीले खोलेको एभरेष्टको बैंक खाता धमाधम बन्द हुन थालेको हो ।

भारतको पञ्जाव नेसनल बैंकले भारतमा ७ हजार शाखा र ८ हजार ५ सय एटिएम मार्फत सेवा पुर्याएको भन्दै नेपाल र भारतमा उद्योग, व्यवासय र वाणिज्यको क्षेत्रमा काम गर्ने व्यापारीले खाता खोल्ने गरेका छन् । तर एभरेष्ट बैंकबाट आफूहरु बारम्बार ठगिनु परेको उनीहरुको गुनासो छ । नेपालमा ९२ वटा शाखा भए पनि केन्द्रीय कार्यालय रहेको नयाँ बानेश्वरमा समेत सेवाग्राहीले सास्ती पाउने गरेका छन् ।

एटीएमबाट रकम निकाल्न हरेक दिन नयाँबानेश्वरमा कम्तीमा आधा घण्टा उभिनु पर्ने बाध्यता सेवाग्राहीको छ । सुविधा सेवा नामक दलाली पेशा गर्ने म्यानपावर सप्लायर्स कम्पनीका संचालकसँगको मिलेमतोमा बैंकले उपलब्ध गराउने १३ हजार तलवमा तीन हजार कमिसन खाएर १० हजार मात्र कर्मचारीलाइ उपलब्ध गराउने गरेको छ । एभरेष्ट बैंकबाट राजिनामा दिएर जागिर छोडेकालाई समेत सुविधा सेवाले झुलाउने गरेको छ ।

राजिनामा दिएर घर बसेकी भक्तपुर सल्लाघारीकी एक कर्मचारीलाई एभरेष्ट बैंक र सुविधा सेवाले एकले अर्कोको कमजोरी देखाउँदै एक बर्षपछि मात्र तलव दिएका थिए । राष्ट्र बैंकले अनुगमन गर्ने हो भने एभरेष्ट बैंकमा करार र ज्यालादारीमा कार्यरत कर्मचारीलाई क्यास काउण्टरमा राख्ने गरेको छ । जुन बैंकको निर्देशीका विपरित छ ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ फाल्गुन ६, ०९: १९

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ फाल्गुन ६, ०९: १९

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ फाल्गुन ६, ०९: १९

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...