
नयाँ विकल्प,
विराटनगर – नेपाली कांग्रेसले विराटनगरमा आयोजना गरेको चुनावी सभालाई सम्बोधन गर्दै प्रधानमन्त्री तथा कांग्रेस सभापति शेरबहादुर देउवाले प्रजातन्त्रलाई सुदृढीकरण गर्न गठबन्धन गरिएको बताउँदै गठबन्धनमा कुनै किसिमका शंका पैदा हुने काम कसैलाई नगर्न आग्रह गरे ।
उनले कांग्रेस पार्टी धोका खान्छ तर कसैलाई धोखा दिँदैन भन्ने विश्वास नतोड्न आग्रह गरे । विराटनगरस्थित विराटराजाको दरबार क्षेत्रको संरक्षण र संवद्र्धनका लागि सरकार तयार रहेको प्रधानमन्त्री देउवाले बताए । स्थानीय तहको क्षमता विकास भएपछि अधिकारसम्पन्न बनाएर स्थानीय सरकारको प्रत्याभूति गराउने उनले बताए ।
वरिष्ठ नेता रामचन्द्र पौडेलले मुलुकमा अहिले भएको गठबन्धन नयाँ नभएको बताए । उनले मुलुकमा २०४६ सालको प्रजातान्त्रिक आन्दोलन र विस्तृत शान्ति सम्झौतादेखि नै गठबन्धन सुरु भएको भन्दै संविधानको रक्षा, गरिबलाई आय र निमुखालाई न्याय दिन अहिलेको गठबन्धन भएको बताए । कुनै दुविधामा नरही देश विकासको लक्ष्य पूरा गर्न गठबन्धनलाई सघाउन पौडेलले सबैलाई आग्रह गरे ।
कांग्रेस महामन्त्री विश्वप्रकाश शर्माले मुलुकको अनुहार बदल्न र राष्ट्र निर्माणका लागि युवा पुस्तालगायतका सबैलाई चुनावी अभियानमा उत्साहका साथ सहभागी हुन आग्रह गरेका छन् ।
उनले राष्ट्रियता बाध्यताको जगमा उभिएर स्थानीय तहमा चुनावी तालमेल भएको बताए । तालमेल गरेर कांग्रेसले ६२४ स्थानीय तहको प्रमुख र अध्यक्षमा उम्मेदवार उठाएर पहिलो पार्टी बन्ने प्रयास गरेको शर्माले बताए ।
नेता शेखर कोइरालाले स्थानीय तहको चुनावले सत्ता गठबन्धनलाई अहित नगर्ने तर कही चुक्यौं भने आउँदो प्रदेश र प्रतिनिधिसभाको चुनावमा असर गर्ने बताए ।
उनले राजनीतिको राजधानी, बौद्धिक र औद्योगिक नगरीको विरासत विराटनगरमा फर्काउने गठबन्धनका उम्मेदवारलाई मतदान गर्न आग्रह गरे ।
कोइरालाले विराटनगरमा चक्रपथ निर्माण, बाढी नियन्त्रण, सुकुम्बासी समस्या समाधान, अन्तर्राष्ट्रिय विमानस्थलमा स्तरोन्नतिलगायतका काम संघीय सरकारले गर्नुपर्ने बताउँदै विराटनगर महानगरलाई सुन्दर विराटनगरको विकास गर्न संकल्प लिने दावी गरे ।
नेता मिनेन्द्र रिजालले अब मुलुकलाई मधेस, वामपन्थी र लोकतान्त्रिक आन्दोलनको आधारमा डो¥याउनु आवश्यक भएको बताए । मधेसवादी दलले सधैं लडाइँ झगडा गरेर नहुने भएकाले आन्दोलनले दिएको एजेन्डाका साथ मिलेर अघि बढ्नुपने उनको भनाई छ ।
एमालेमा जनताको बहुदलीय जनवाद अवरुद्ध भएकोले त्यसमा गति दिनु पर्ने र अहिलेको अवस्थामा पनि सशस्त्र आन्दोलनले केही नहुने भएकाले सबैले मिलेर देश निर्माणमा अघि बढ्नु रिजालले बताए ।
नेता महेश आचार्यले आउँदो बजेटमा डुबानमुक्त विराटनगरका लागि पूर्वमा रहेको सिंघिया र पश्चिममा रहेको केशलिया खोला व्यवस्थापनका लागि बजेटको व्यवस्था गर्न प्रधानमन्त्री देउवालाई ध्यानाकर्षण गराए ।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...