हैजा रोकथाम तत्काल गर सरकार – Naya Bikalpa
November 19, 2026, Thursday      Epaper

हैजा रोकथाम तत्काल गर सरकार

नयाँ विकल्प,

काठमाडौं – काठमाडौंको पानीमा हैजा र झाडापखालाको जीवाणु भेटिएको छ । स्वास्थ्य कार्यालय काठमाडौंले बागबजार, डिल्लीबजार, बालाजु, त्रिपुरेश्वर, बल्खु, चन्द्रागिरिलगायत विभिन्न स्थानहरुमा पानीको नमुना परीक्षण गरेको थियो । परीक्षणमा खानेपानी सिधै पिउनयोग्य नरहेको बताएको छ । पानीमा दिसाजन्य जीवाणु भेटिएपछि स्वास्थ्य कार्यालयले केयूकेएललाई पानी शुद्ध पार्न प्रयोग गरिने क्लोरिनको मात्रा बढाउन निर्देशन दिएको छ । परीक्षणमा हानिकारक जीवाणु भेटिएपछि स्वास्थ्य कार्यालयले तत्काल कडा अनुगमन समेत गरी कारबाही गर्नुपर्ने देखिन्छ । विशेषगरी बजारमा वितरण भइरहेको जारको पानीलाई लक्षित गरी अनुगमन गरेको उद्योग, वाणिज्य तथा आपूर्ति मन्त्रालयले उक्त कार्यलाई निरन्तरता दिनुपर्ने देखिन्छ । जारको पानी शुद्ध भए नभएको समेत अनुगमनमा कडा पार्नुपर्ने देखिन्छ । पानीको जार पुनः प्रयोग गर्दा राम्ररी सफा नगरिएका कारण जीवाणु आएको हुन सक्छ, कतिपयले खोलाको पानी भरेर सिधै वितरण गर्दा मानिसको स्वास्थ्यमा नै खेलवाड भएको हो । पिउन अयोग्य पानी बिक्री गरिरहेको पाइएकाले यस्ता व्यवसायीलाई कारबाही गर्नुपर्ने सर्वत्र आवाज उठिरहेको छ । स्वास्थ्य विज्ञले यस अघि नै काठमाडौंमा भित्रभित्रै हैजा फैलिएको हुन सक्ने भन्दै उच्च सतर्कता अपनाउन आग्रह गरेको थियो । काठमाण्डौमा असार महिनाको पहिलो हप्ता पहिलो पटक बागबजारका दुई दिदीबहिनीमा हैजा पुष्टि भएको थियो । त्यसपछि अहिलेसम्म उपत्यकामा १४ जनालाई हैजा पुष्टि भइसकेको छ । बेलैमा सावधानी नअपनाए अवस्था भयावह बन्ने विज्ञले चेतावनी दिएका छन् । यसरी सर्वत्र ट्याङ्कर तथा जारको पानी विक्रीवितरण गर्दा उच्च सतर्कता नअपनाए खानेपानीमै हैजाको जीवाणु भेटिएपछि जोखिम र चुनौती झन् बढेको छ । उपत्यकामा हैजा फैलने जोखिम उच्च रहेकाले यसको रोकथामका लागि पानी उमालेर वा शुद्धीकरण गरेर मात्रै पिउन तथा स्वथ्य खानेकुरा मात्रै खान सबैले सचेतना अपनाउनुपर्नेछ । जार तथा बोतलको पानी पनि उमालेर मात्रै प्रयोग गर्नु सबैको ध्यान केन्द्रीत गर्नुपर्ने देखिन्छ ।

सम्बन्धित समाचार

गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
गाईघाटमा तीनदिने निःशुल्क आँखा जाँच तथा मोतियाबिन्दु शल्यक्रिया शिविर सञ्चालन हुने
  • २०७९ असार २०, १२: ४८

उदयपुर — त्रियुगा नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा तीनदिने बृहत् निःशुल्क आँखा जाँच शिविर सञ्चालन...

आज विश्व हेपाटाइटिस दिवस : जनचेतना, परीक्षण र उपचारमा पहुँच विस्तारको आवश्यकता
आज विश्व हेपाटाइटिस दिवस : जनचेतना, परीक्षण र उपचारमा पहुँच विस्तारको आवश्यकता
  • २०७९ असार २०, १२: ४८

काठमाडौँ । हरेक वर्ष जुलाई २८ का दिन विश्वभर विश्व हेपाटाइटिस दिवस विभिन्न जनचेतनामूलक कार्यक्रमका साथ मनाइँदै आएको छ। हेपाटाइटिसविरुद्ध...

दुई वर्षभित्र ३६ प्रकारका अत्यावश्यक औषधि स्वदेशमै उत्पादन गर्ने सरकारको तयारी
दुई वर्षभित्र ३६ प्रकारका अत्यावश्यक औषधि स्वदेशमै उत्पादन गर्ने सरकारको तयारी
  • २०७९ असार २०, १२: ४८

काठमाडौं । स्वास्थ्य तथा खाद्य स्वच्छता मन्त्रालयले स्वदेशी औषधि उत्पादनलाई सुदृढ बनाउने उद्देश्यसहित आगामी दुई वर्षभित्र नेपाल औषधि लिमिटेडमार्फत ३६...