
काठमाडौँ । प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’को भारत भ्रमण आगामी चैत महिनाअघि नहुने भएको छ ।
गत पुस १० गते गते प्रधनमन्त्रीमा नियुक्त भएका प्रचण्ड मुलुकमा राष्ट्रपतिको चुनावपछि मात्र भारत भ्रमणमा जाने भएका छन् ।
नेपाल भ्रमणमा आएका भारतीय विदेश सचिव विनयमोहन क्वात्राले भारत भ्रमणको विषयमा प्रधानमन्त्री प्रचण्डसँग छलफल गरेका थिए । प्रचण्डसँग क्वात्राले सोमबार भेटवार्ता गरेका थिए । ‘विदेश सचिव क्वात्राले भारत भ्रमणको विषयमा चर्चा गदैंै भारत भ्रमणको निम्तो प्रधानमन्त्री प्रचण्डलाई दिएका छन् ।
नेपालमा राजनीतिक स्थिरता कायम नभएको भन्दै प्रधानमन्त्री दाहालले राष्ट्रपतिको चुनावपछि मात्र भ्रमणको मिति तय हुने जनाइएको छ । नेपालमा आगामी फागुन २५ गते राष्ट्रपतिको चुनाव हुँदैछ । त्यसअघि फागुन १३ मा राष्ट्रपतिमा मनोनयन दर्ता गर्ने समय निर्धारण गरिएको छ ।
राष्ट्रपतिको उम्मेदवार को बन्ने भनेर राजनीति गर्माएको छ । कतिपयले राष्ट्रपतिको विवादले सत्ता समीकरण फेरबदल हुने आशङ्का समेत गर्दै आएका छन् ।
प्रचण्ड प्रधानमन्त्रीमा नियुक्त भएपछि भारतीय प्रधानमन्त्री नरेन्द्र मोदीले पनि फोनमा बधाई तथा शुभकामना दिँदै भारत भ्रमणका लागि निम्तो दिएका थिए । त्यसको दुई तीन दिनपछि प्रधानमन्त्री प्रचण्डले स्वयं आफ्नो पहिलो विदेश भ्रमण भारतबाट हुनसक्ने बताएका थिए ।
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...
काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...