लिटरमा ११ रुपैयाँ बढ्यो डीडीसीको दूध – Naya Bikalpa
November 19, 2026, Thursday      Epaper
दूधको मुल्यबृद्धिले उपभोक्ता मारमा :

लिटरमा ११ रुपैयाँ बढ्यो डीडीसीको दूध

काठमाडौं । सरकारी स्वमित्वमा रहेको दुग्ध विकास संस्थान (डीडीसी)ले दूधको मूल्य लिटरमा ११ रुपैयाँले वृद्धि गरेको छ। कृषि तथा पशुपन्छी विकास मन्त्रालयको लिखित सहमतिपछि बिहीबारदेखि लागू हुने गरी संस्थानले दूधको उपभोक्ता लिटरमा ११ रुपैयाँले बृद्धि गरेको हो।

संस्थानका महाप्रबन्धक सञ्जिव झाका अनुसार बढेको दूधको मूल्य बिहीबारदेखि लागू हुने भएको छ । अब डीडीसीको दूधको मुल्य प्रतिलिटर ८६ रुपैयाँबाट बढाएर ९७ रुपैयाँ पुगेको छ। सरकारले यसअघि वृद्धि गरेको दूधको किसान मूल्य पनि आज बुधबारदेखि नै लागू गर्ने निर्णय गरिएको छ।

महाप्रवन्धक झाका अनुसार दही, पनिर लगायतका दुग्ध पदार्थको मूल्य भने केही दिनमा तय गरिने छ। गत फागुन १९ गते सरकारले किसानले पाउने दूधको मूल्य बढाउने निर्णय गरेको थियो। ३ प्रतिशत फ्याट ८ एसएनएफयुक्त दूधको किसान मूल्य ५६ रुपैयाँबाट बढाएर सरकारले ६५ रुपैयाँ पु¥याएको थियो । त्यसको एक सातापछि २५ फागुनमा निजी क्षेत्रका डेरी उद्योगहरुले दूध तथा दुग्ध पदार्थको मूल्य वृद्धि गरेका थिए।

निजी डेरीहरुले दूधको मूल्य लिटरमा १४ रुपैयाँले बढाएका थिए भने दुग्धजन्य पदार्थको मूल्य लिटरमा २ सय रुपैयाँसम्मले बढेको थियो।

सम्बन्धित समाचार

नेप्सेमा सामान्य वृद्धि, परिसूचक २६२८.६७ विन्दुमा
नेप्सेमा सामान्य वृद्धि, परिसूचक २६२८.६७ विन्दुमा
  • २०७९ चैत्र १, १७: ४४

काठमाडौँ । साताको कारोबारको अन्तिम दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले बढेको छ । आज नेप्से ३.६२...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७९ चैत्र १, १७: ४४

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७९ चैत्र १, १७: ४४

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...