
काठमाडौं । नेपाल कम्युनिष्ट पार्टी (एकीकृत समाजवादी)बाट उपाध्यक्ष बेदुराम भुसाल र उपमहासचिव प्रकाश ज्वाला पुष्पकमल दाहाल ‘प्रचण्ड’ नेतृत्वको सरकारमा मन्त्री बन्ने भएका छन्।
बुधबार बसेको नेकपा एसको सचिवालय बैठकले दुई मन्त्रीको नाम टुंग्याएको हो। यद्यपि सार्वजनिक रुपमा भने एकीकृत समाजवादीका नेताहरुले तीन मन्त्रालयको दाबी गरिरहेका छन्। यसअघि बैठकको जानकारी दिँदै पार्टीका सम्मानित नेता झलनाथ खनालले पार्टीबाट ज्वाला मन्त्री हुने पक्का भएको बताएका थिए।
प्रधानमन्त्री पुष्पकमल दाहाल प्रचण्डले भने दुई मन्त्रालय लिएर सरकारमा आउन प्रस्ताव गरेका छन्। साथै पहिलो चरणमा एक जनाको नाम पठाउन भनेका छन्। नेकपा एसले भने पार्टीबाट पहिलो चरणमा भुसाल मन्त्री बन्ने भएका छन्। भुषाललाई शिक्षा, कृषि र श्रम मन्त्रालयमध्ये एक दिने सम्भावनाछ।
ज्वालालाई भने भौतिक पूर्वाधार तथा यातायातमन्त्री बनाउने एकीकृत समाजवादीको तयारी छ। भौतिक पूर्वाधार तथा यातायात मन्त्री नारायणकाजी श्रेष्ठलाई भने गृह मन्त्रालयको जिम्मेवारी दिइने भएको छ ।
बुधबार साँझसम्ममा कांग्रेस, नेकपा (एस) र जनता समाजबादी पार्टीबाट एक –एक जनालाई मन्त्रीको सपथ ग्रहण गराउने प्रधानमन्त्री दाहालले योजना बनाएका छन् । प्रधानमन्त्रीको सरकारी निवास वालुटारमा सत्ता गठबन्धन दलका शीर्ष नेताहरुको दोश्रो चरणको बैठक बसिरहेको छ ।
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...
काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...