
काठमाडौँ। मिटर ब्याजपीडितको आनदोलन दबाउन प्रहरी सोमबार भृकुटीमण्ड क्षेत्रमा गरेको लाठिचार्जबाट घाईते भएकाको समेत सहभागितामा मिटरव्याज पीडितहरुले आन्दोलन झन चर्काउने निर्णय गरेका छन् ।
मिटर व्याज तथा ठगीविरुद्ध किसान–मजदुर सङ्घर्ष समितिले राज्यबाटै आफूहरूको आन्दोलन भड्काउने र उत्तेजित पार्ने काम भइरहेको भन्दै सोमबारको आन्दोलतमा घाईत भई टाउको, हात र शरिरका अन्य भागमा लागेकाटे चोटसहित उनीहरुले मंगलबार प्रदर्शन गरेका छन् ।
सङ्घर्ष समितिका अध्यक्ष अवधेश कुशवाहाले मंगलबार विज्ञप्ति जारी गर्दै आफूहरूको आन्दोलनभित्र छिरेर प्रहरीले ज्येष्ठ नागरिक, अशक्त तथा बिरामीमाथि कुटपिट गरेको, महिलामाथि पुरुष प्रहरीले आक्रमण तथा दुर्व्यवहार गरेको आरोप लगाएका छन् ।
पीडितले सहयोगी तथा शुभचिन्तकबाट सहयोग जुटाएर जम्मा गरेको अनाज, ग्यास, ग्यास चुलो, स्पिकर र भाँडाकुँडासमेत प्रहरीले लुटेको उनको आरोप छ।
‘यस्तो राज्य प्रायोजित आतङ्क र दमनको हामी घोर भर्त्सना गर्दछौं,’ विज्ञप्तिमा उनले भनेका छन् । उनले गृहमन्त्री नै आफूहरूको आन्दोलन दबाउन उद्यत रहेको भन्दै सङ्घर्ष समितिले चाँडै प्रतिवादमा आन्दोलनको नयाँ कार्यक्रम घोषणा गर्ने जानकारी दिए ।
सोमबार शान्ति वाटिकाबाट सिंहदरबारसम्म आफूहरूको शान्तिपूर्ण जुलुस जाने कार्यक्रम रहेकोमा बिहानैदेखि प्रहरीले शान्तिवाटिका क्षेत्र पूर्ण रुपमा नियन्त्रणमा लिँदै पीडितहरुलाई आवतजावतमै निषेध र धरपकड गरिएको उनको आरोप छ।
मिटरब्याज पीडितसँग १८ चैतमा ५ बुँदे सहमति गरेको थियो । तर उक्त सहमतिले मिटरब्याज पीडितको तत्कालको समस्या समाधान नहुने भन्दै अर्को समूह २० चैतदेखि काठमाडौं केन्द्रित आन्दोलनमा छन् ।
सरकारले भने मिटरब्याज पीडितको समस्या समाधानका लागि आयोग गठन गरिसकेकाले सबै समस्या आयोगले समाधान गर्ने भन्दै मिटरब्याज पीडितलाई आन्दोलन फिर्ता लिएर गाउँ फर्किन आग्रह गरेको छ ।
यसैबीच मिटरव्याज पीडितहरुले मंगलबार गृहमन्त्री नारायणकाजी श्रेष्ठको राजिनामा माग गरेका छन् । उनीहरुले गृहमन्त्री नै पीडितको दमनमा उत्रिएको भन्दै गृहमन्त्री श्रैष्ठको राजिनामा माग गरेका हुन्।




काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...
काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...
काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...