एमालेबाट निर्वाचित ढोरपाटनका मेयर सहकारीको करोडौं डुबाएर फरार, यात्रा अनुमतिमा रोक – Naya Bikalpa
June 19, 2024, Wednesday

एमालेबाट निर्वाचित ढोरपाटनका मेयर सहकारीको करोडौं डुबाएर फरार, यात्रा अनुमतिमा रोक

काठमाडौं । बागलुङ जिल्लाको ढोरपाटन नगरपालिकाका प्रमुख (मेयर) देबकुमार नेपाली इमेज सहकारी संस्थाका बचतकर्ताको करोडौं रकम हिनामिना गरेर तीन दिनदेखि बेपत्ता भएका छन्।

ढोरपाटनमा रहेको ईमेज सहकारी संस्थाको संस्थापक अध्यक्ष समेत रहेका नगरप्रमुख नेपालीसहित सहकारीका ६ पदाधिकारीलाई गृह मन्त्रालयले भने यात्रा अनुमतिमा रोक लगाइएको छ।

गृह मन्त्रालयले अध्यागमन विभागलाई पत्र पठाएर अध्यक्ष नेपालीसहित ६ जना सञ्चालकलाई यात्रा अनुमति रद्द गर्न निर्देशन दिएको हो। गृहको निर्देशनअनुसार उनीहरुलाई कालो सूचीमा राखिसकिएको छ।

यात्रा अनुमतिमा रोक लगाएपछि उनीहरु हवाई र स्थलमार्गबाट देश छाड्न पाउने छैनन्। यसरी यात्रा अनुमति प्रतिवन्द लगाईएकाहरुमा सहकारीका कार्यवाहक अध्यक्ष डोरबहादुर परियार, सचिव सुनिल नेपाली, कोषाध्यक्ष लक्ष्मी सेन, सञ्चालक चित्रबहादुर भण्डारी, सदस्य रुपा विक र अर्का सदस्य झगबहादुर शाही छन्।

मेयर नेपालीसहित सहकारीका पदाधिकारीहरु जेठ छ गते शुक्रबारदेखि नै सम्पर्कविहीन छन्। ढोरपाटन नगरपालिका वडा नम्बर १, बागलुङ नगरपालिका–२ र पोखरा–७ सिर्जनाचोकमा कार्यालय रहेको सहकारीका बचतकर्ताले आफूहरुको रकम फिर्ता नपाएको भन्दै प्रहरीमा उजुरी दिएका थिए।

सहकारीका बचतकर्ताहरुले शुक्रबार सहकारीमा धर्ना दिएपछि जेठ ५ गते मेयर समेत रहेका नेपालीले उपाध्यक्ष डोरबहादुर परियारलाई कार्यवाहकको पत्र दिएर सम्पर्कविहीन बनेका थिए।

बचतकर्ताले आफ्नो रकम संकटमा परेको भन्दै एक महिना दिन अगाडि नै सहकारी घेरेका थिए। अध्यक्ष नेपालीले जग्गा बेचेर भए पनि बचतकर्ताको रकम फिर्ता गर्ने प्रतिवद्धता जनाएका थिए। सहकारीले १ अर्बभन्दा धेरै रकम भुक्तानी गर्न बाँकी रहेको अनुमान गरिएको छ ।

सहकारीका सञ्चालकहरु बेपत्ता भएपछि पोखराका बचतकर्ताले जिल्ला प्रहरी कार्यालय कास्कीमा उजुरी दिएका थिए। सो विषयमा महानगरपालिकाले पनि अनुसन्धान गरिरहेको छ।

पोखरा महानगरपालिकाको सहकारी महाशाखाले भने सहकारीको सम्पति रोक्का पत्राचार गरिसकिएको बताए। वैशाख २८ गते देवकुमार नेपाली, पोखराका मेयर धनराज आचार्यसहित महानगरमा छलफल गरी सम्पति विवरण मगाएर रोक्का राख्न पठाइएको थियषे।

मेयर नेपाली, उनकी श्रीमती छेला नेपाली, अहिलेका सञ्चालक र व्यवस्थापकसहित भूमि व्यवस्थापन तथा अभिलेख विभागमा सम्पति रोक्का गर्न पठाइएको छ। भूमि व्यवस्थापन विभागले सबै मालपोत कार्यालयलाई पत्राचार गरिसकेको छ ।

ढोरपाटन नगरप्रमुख नेपालीको बुर्तिवाङस्थित रातो आलिसान महल –

 

सम्बन्धित समाचार

मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
  • २०८० जेष्ठ ८, १७: ५०

काठमाडौं। जनमत पार्टीका बरिष्ठ उपाध्यक्ष तथा प्रतिनिधिसभा सदस्य अब्दुल खानले क्रसर उद्योगीले राखेको जायज माग पुरा गर्नु पर्ने माग गरेका...

काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
  • २०८० जेष्ठ ८, १७: ५०

  काठमाडौं। जनमत पार्टीका अध्यक्ष समेत रहेका प्रतिनिधि सभा सदस्य डा.सीके (चन्द्रकान्त) राउतलाई उपप्रधानमन्त्रीसहित परराष्ट्रमन्त्री बनाउन प्रधानमन्त्री पुष्पकमल दाहाल ‘प्रचण्ड’...

राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
  • २०८० जेष्ठ ८, १७: ५०

काठमाडौं। राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले भौतिक पूर्वाधार तथा यातायात मन्त्रालयको आगामी आर्थिक वर्ष २०८१–०८२को लागि विनियोजन पुस्तिका...