टेलिकमका अधिकृत सुवेदी झापाबाट बेपत्ता – Naya Bikalpa
July 24, 2024, Wednesday

टेलिकमका अधिकृत सुवेदी झापाबाट बेपत्ता

झापा। नेपाल टेलिकम सुरुङ्गा शाखाका प्रमुख दिलीप सुवेदी तीन दिनदेखि सम्पर्कविहीन भएका छन्।

कनकाई नगरपालिका ३, सुरुङ्गाको नयाँबस्तीस्थित क्वार्टरबाट असोज ३० गते शनिबार साँझ करिव ९ बजे तिर वाहिर गएका छैटौं तहका अधिकृत ३१ वर्षीय सुवेदी सम्पर्कविहीन भएपछि उनको खोजतलास गरिदिन परिवारका सदस्यले आव्हान गरेका छन्।

सुवेदीकी श्रीमती ब्रजुना भट्टराई सुवेदीले श्रीमान दिलीपको खोजीकार्य गरिदिन अनुरोध गरेकी हुन्। इलाका प्रहरी कार्यालय बिर्तामोडले उनको खोजी गरिरहेको छ।

सुवेदीकी श्रीमती ब्रजुनाका अनुसार शनिबार बिहान ८ बजेर ४० मिनेटमा फोनमा अन्तिमपटक कुराकानी भएको र त्यसपछि सम्पर्क हुन नसकेको बताएकी छन्।

शनिबार मध्यान्ह १२ तिर फोन गर्दा दिलीपको मोबाइल नै स्वीच अफ भएको उनले जानकारी दिइन्। शुरुमा मोबाईलमा चार्ज सकिएर स्विचअफ भएको होला भन्ठानेको र ५ बजे फोन गर्दा समेत मोबाईल स्विच अफ भएको पाएपछि आफूले टेलिकमको अफिसमा सम्पर्क गर्दा समेत सम्पर्क नभएको ब्रजनाले बताइन् ।

मोरङको विराटनगर महानरपालिका–४ राजवंशी चौक स्थायी घर भएका सुवेदी टेलिकमले उपलब्ध गराएको क्वार्टरमा बस्दै आएका थिए। टेलिकमको कार्यालयबाट उनको क्वाटर पाँच सय मिटर मात्र नजिक थियो।

बेपत्ता भएका सुवेदीको कोठामा प्रहरीले कोठाको चावी लगाएको, पानीको गिलास ओछ्यानमा रहेको, स्कुटसको चावी र पर्स समेत कोठामै छाडेर मोबाइल मात्र बोकेर गएको देखिएको प्रहरीले जनाएको छ। बेपत्ता भएका सुवेदीले गत फागुन महिनामा मात्र ब्रजुना भट्टराईसँग विवाह भएको थियो।

 

सम्बन्धित समाचार

विमानस्थलमा आपतकालिन उद्धार संयन्त्र झुरः भिआईपीले थपे सकस
विमानस्थलमा आपतकालिन उद्धार संयन्त्र झुरः भिआईपीले थपे सकस
  • २०८० आश्विन १, १३: ४१

काठमाडौं। मुलुकको एक मात्र अन्तराष्ट्रिय विमानस्थल (संचालित) त्रिभुवन अन्तराष्ट्रिय विमानस्थलमा आपतकालिन अवस्थामा गरिने उद्धारको प्रवन्ध कति कमजोर रहेछ भन्ने तथ्य...

सौर्य एयरलाइन्स दुर्घटनामा परि एकै परिवारका तीन जनाको निधन
सौर्य एयरलाइन्स दुर्घटनामा परि एकै परिवारका तीन जनाको निधन
  • २०८० आश्विन १, १३: ४१

काठमाडौं। त्रिभुवन अन्तराष्ट्रिय विमानस्थल परिषरमा उडान भर्नासाथ दुर्घटना भएको सौर्य एयरलाइन्समा सवार एकै परिवारका तीन जनाको निधन भएको छ। सौर्य...

बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
  • २०८० आश्विन १, १३: ४१

हेटौंडा। बागमती प्रदेशमा नवनियुक्त मुख्यमन्त्री बहादुरसिंह लामासहित ९ जना मन्त्रीहरुले सपथ लिएका छन्। नेपाली कांग्रेसबाट कुन्दनराज काफ्ले, श्याम खड्का र...