फागुन देखि बन्द हुँदै गोपीकृष्ण सिनेमा हल

नयाँ विकल्प विशेष संवाददाता
प्रकाशित मिती: २०८० फाल्गुन १, ११: ३७

काठमाडौं । फागुन १ गतेदेखि गोपीकृष्ण सिनेमा हल बन्द हुने भएको छ ।

गोपीकृष्ण मुभिज प्रालिले शुक्रबार एक विज्ञप्ति जारी गर्दै यसबारे जानकारी गराएको हो ।

प्रबन्ध निर्देशक नीरक पौडेलका अनुसार कोरोना कालदेखिको बढ्दो घाटा र राज्यको विद्यमान कर प्रणालीको कारण देखाउँदै हल बन्द गर्ने निर्णय लिइएको हो ।

२०५२ सालदेखि सञ्चालनमा आएको हल औपचारिक रूपमा मंगलबारदेखि बन्द गरिएको निर्देशक निरक पौडेलले जानकारी दिए ।
स्थापना भएको यो हलमा शुरुमा १८ सयभन्दा बढी दर्शक क्षमता थियो । २ वटा पर्दाबाट सुरु गरेर ७ वटा पर्दासम्म पुगेको गोपीकृष्ण मुभिजले ४ वटा पर्दा भएको भवन २ वर्ष अगाडि नै भत्काएर मल बनाउने तयारी गरेको थियो । तर, अहिलेसम्म मलको काम पनि सुरु भएको छैन ।

पछिल्लो ‘रेड’, ‘ब्लू’ र ‘ग्रिन’ नाममा तीन पर्दा सञ्चालन गरेपनि दर्शकको सहभागिता भने न्युन रहँदै आएको थियो ।

गत महिना काठमाडौं महानगरले कर तिर्न ताकेता गरेको थियो ।

स्थानीय कर र चलचित्र विकास बोर्डको शुल्कप्रति असन्तुष्टि जनाउँदै चलचित्र संघको आह्वानमा गत सोमबार देशभरका सिनेमा हल बन्द गरिएको थियो ।

सम्बन्धित समाचार

प्राविधिक समस्याले अमेरिकाको हवाई सेवा अस्तव्यस्त

२०८० फाल्गुन १, ११: ३७

काठमाडौं : अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौं यात्रु प्रभावित भएका छन् । चार घण्टाभन्दा बढी...

क्षति पुगेको खुलामञ्चको स्वरूप फर्काउँदै कांग्रेस

२०८० फाल्गुन १, ११: ३७

काठमाडौं : नेपाली कांग्रेसको १५औँ महाधिवेशनका क्रममा क्षति पुगेको काठमाडौँको ऐतिहासिक टुँडिखेलस्थित खुलामञ्चको हरियाली र सौन्दर्य फर्काउन कांग्रेस आफैँ अग्रसर...