सिंगटी हाइड्रोले लगानी गरेको हेवा खोला आयोजना ११ महिनामा निर्माण सम्पन्न हुने  – Naya Bikalpa
November 19, 2026, Thursday      Epaper

सिंगटी हाइड्रोले लगानी गरेको हेवा खोला आयोजना ११ महिनामा निर्माण सम्पन्न हुने 

काठमाडौं। ह्याबिटाट पावर कम्पनी लिमिटेडले प्रवद्धर्न गरेको पाँचथरस्थित हेवा खोला ‘ए’ साना जलविद्युत आयोजना ११ महिनामा अर्थात आगामी वर्षको फागुनसम्म निर्माण सम्पन्न हुने भएको छ।

सिंगटी हाईड्रोको ५१ प्रतिशत लगानी रहेको उक्त आयोजनाको निर्माणकार्य सुरुवात भएको ८ महिना नपुग्दै ५० प्रतिशत पूरा भएको हो।

आयोजनाका अधिकारीकाअनुसार लक्ष्यभन्दा धेरै काम भएकोले कुनै प्राकृतिक विपत्ति वा काबु बाहिरको परिस्थिति सृजना नभए २०८१ को माघ अन्तिम साता निर्माण सम्पन्न हुनेछ।

पाँचथरको हेवाखोलामा निर्माणाधिन यो आयोजना ९.९ मेगावाट क्षमताको हो।

गत असार अन्तिम साताबाट निर्माणकार्य थालनी गरिएको उक्त आयोजनामा पहुँचमार्ग विस्तार, जग्गा व्यवस्थापन प्रक्रिया सम्पन्न भैसकेको छ भने समग्र निर्माणकार्य ५० प्रतिशत पूरा भैसकेको आयोजना निर्देशक मधुसूदन पौड्यालले जानकारी दिए।

उनका अनुसार हेडवक्र्स , विद्युत गृह लगायत जलविद्युत आयोजनका मुख्य संरचनाहरुको निर्माणकार्य निर्धारित उद्देश्य भन्दा धेरै अगाडि बढिरहेका छन्।

आयोजनामा प्रयोग हुने पेनस्टक पाईप नेपाल आईसकेको र हाल निर्माणस्थलसम्म ढुवानी भैरहेको छ। जडान हुने उपकरणको खरिद प्रकृया अन्तिम चरणमा पुगिसकेको निर्देशक पौड्यालको भनाई छ।

प्रतिमेगावाट १८ करोड ५० लाख लागतमा सम्पन्न हुने यो आयोजनामा माछापुच्छ्रे बैंकको अगुवाइमा माछापुच्छ्रे र  लुम्बिनी विकास बैंकको लगानी रहेको छ।

सिंगटी हाईड्रो ईनर्जी लिमिटेडको ५१ प्रतिशत लगानी रहेको उक्त आयोजनाबाट उत्पादित विद्युत  पाँचथरस्थित थापाटारमा रहेको नेपाल विद्युत प्राधिकरणको सवस्टेशनमा जोडिने छ।

आयोजनास्थलबाट थापाटारसम्म झण्डै ७ किलोमिटर प्रसारण लाईन निर्माणको काम समेत अघि बढिसकेको आयोजनाले जनाएको छ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८० चैत्र २०, ०७: ५४

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

नेप्सेमा सामान्य वृद्धि, परिसूचक २६२८.६७ विन्दुमा
नेप्सेमा सामान्य वृद्धि, परिसूचक २६२८.६७ विन्दुमा
  • २०८० चैत्र २०, ०७: ५४

काठमाडौँ । साताको कारोबारको अन्तिम दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले बढेको छ । आज नेप्से ३.६२...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८० चैत्र २०, ०७: ५४

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...