कांग्रेसभित्र फेरिे हिन्दुराष्ट्र अभियानको चर्चा – Naya Bikalpa
June 19, 2024, Wednesday

कांग्रेसभित्र फेरिे हिन्दुराष्ट्र अभियानको चर्चा

काठमाडौं । नेपाली कांग्रेस भित्र फेरि सनातन हिन्दु राष्ट्रको अभियानले चर्चा पाउन थालेको छ।

सनातन हिन्दूराष्ट्र नेपाल स्थापना महाअभियानको हालै बसेको बैठकले अभियानलाई व्यापक र देशव्यापी बनाउन संगठनलाई जिल्ला स्तरमा बिस्तार गर्दै जाने, कांग्रेसका सभापतिसहित अन्य दलको प्रमुखहरुलाई ज्ञापन पत्र बुझाउनेलगायतका कार्यक्रम तय गरेको छ।

अभियानका सहसंयोजक एवम् प्रवाक्ता लोकेश ढकालले प्रदेश र केन्द्रमा वृहत सम्मेलन गर्दै धार्मिक स्वतन्त्रता सहितको वैदिक सनातन हिन्दूराष्ट्र नेपालको पक्षमा आम जनताले बुझ्ने गरी अभियान चलाउने जानकारी दिए।

अभियानका प्रवक्ता ढकालद्वारा जारी विज्ञप्तिमा अभियानका पदाधिकारी र कांग्रेसका हिन्दुराष्ट्र अभियान पक्षधर केन्द्रीय सदस्यहरुबीच भएको बैठकले महासमिति बैठकमा संविधानबाट धर्मनिरपेक्ष राष्ट्रको प्रावधानलाई खारेज गरेर धार्मिक स्वतन्त्रता सहितको वैदिक सनातन हिन्दूराष्ट्र नेपाल कायम गर्न पार्टीले अग्रसरता लिओस् भन्ने माग गर्दै सञ्चालन गरेको हस्ताक्षरको पक्षमा उभिएका ४२ केन्द्रीय सदस्यको साथले ठूलो बल पुगेको जनाइएको छ।

केन्द्रीय समन्वय समितिकोको तर्फबाट ढकालले जारी गरेको बक्तव्यमा हिन्दूराष्ट्र स्थापना महाअभियानका संस्थापक संयोजक एवम् नेपाली कांग्रेसका नेता खुमबहादुर खड्काको छैठौं स्मृति दिवसमा देशको प्रजातान्त्रिक आन्दोलन र महाअभियानको स्थापनामा स्वर्गीय खड्काको योगदानको उच्च मूल्याङ्कन गरिएको जनाएका छन्।

नेपाली कांग्रेस, केन्द्रीय कार्यसमिति सदस्य, नेपाली कांग्रेस, सनातन हिन्दूराष्ट्र स्थापना महाअभियानका संयोजक माननीय शंकर भण्डारीको सभापतित्वमा सम्पन्न बैठकमा संयोजक भण्डारी, महाअभियानका सल्लाहकार संयोजक लक्ष्मणप्रसाद घिमिरे, महाअभियानका सह–संयोजकद्धय कांग्रेस केन्द्रीय सदस्य देवेन्द्रराज कँडेल, लोकेश ढकालले दृढतापूवर्क अघि बढ्ने बताए।

बैठकमा कांग्रेस केन्द्रीय सदस्य एवम् पूर्वमन्त्री दिलेन्द्रप्रसाद बडु, कांग्रेसको मुगु जिल्ला सभापति ऐनबहादुर शाही, कांग्रेसका केन्द्रीय सदस्य एवम् पूर्वमन्त्री उमा अधिकारी, अभियानका केन्द्रीय सदस्य पुष्पा भुसाल, प्रदेशसभा सदस्य डा. रणबहादुर रावल, संविधान सभा सदस्य मुख्तार अहमद, संविधान सभा सदस्य रिता शाहीले अभियानको औचित्य र आगामी कार्यक्रम बारे सुझाव दिएका थिए।

बैठकमा प्रा.डा. सिर्जना शर्मा, डा. रघुराज काफ्ले, महाअभियानका कोषाध्यक्ष भानुभक्त ढकाल, सचिव भरतराज पौडेल, महासमिति सदस्य मुक्ति आचार्य, तरुण दलका पूर्वमहामन्त्री पुष्प पराजुली, नेविसंघ केन्द्रीय सदस्य अनुराग शाह, शंकरदेव क्याम्पस स्ववियू सभापति सुशान्तसिंह बस्नेत आदिले बैठमा विचार राख्दै महाअभियानलाई दृढतापूर्वक अगाडी बढ्न सुझाव दिएका थिए।

सम्बन्धित समाचार

मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
  • २०८० चैत्र २०, १९: ३७

काठमाडौं। जनमत पार्टीका बरिष्ठ उपाध्यक्ष तथा प्रतिनिधिसभा सदस्य अब्दुल खानले क्रसर उद्योगीले राखेको जायज माग पुरा गर्नु पर्ने माग गरेका...

काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
  • २०८० चैत्र २०, १९: ३७

  काठमाडौं। जनमत पार्टीका अध्यक्ष समेत रहेका प्रतिनिधि सभा सदस्य डा.सीके (चन्द्रकान्त) राउतलाई उपप्रधानमन्त्रीसहित परराष्ट्रमन्त्री बनाउन प्रधानमन्त्री पुष्पकमल दाहाल ‘प्रचण्ड’...

राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
  • २०८० चैत्र २०, १९: ३७

काठमाडौं। राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले भौतिक पूर्वाधार तथा यातायात मन्त्रालयको आगामी आर्थिक वर्ष २०८१–०८२को लागि विनियोजन पुस्तिका...