
काठमाडौं। एसएमएस फ्रेण्डसीप कप टी–२० क्रिकेटमा नेपालले गुजरातलाई १८२ रनको लक्ष्य दिएको छ।
भारतमा जारी फ्रेण्डसीप कपमा बुधाबार नेपालले पूरै ओभर खेलेर ७ विकेटको क्षतिमा १८१ रन बनाएको हो। नेपालका लागि आसिफ शेख र कुशल भूर्तेलले उल्लेख्य पारी खेले।
आसिफले ५१ बलमा ८५ र कुशलले ४४ बलमा ६७ रन बनाए।
अन्य खेलाडीको प्रदर्शन उल्लेख्य हुन सकेन। विवेककुमार यादव ७ र प्रतिश जिसी ४ रनमा अविजित रहे। गुल्शन झाले ४, कप्तान रोहितकुमार पौडेलले ३, सन्दीप जोराले २ र कुशल मल्लले १ रन बनाए। अनिल साह डकआउट भए।
गुजरातका लागि जेमित पटेलले ३ तथा आर्या देशाईं र ध्रुशान्त सोनीले २–२ विकेट लिए।
नेपालले जारी प्रतियोगितामा यसअघिका दुवै खेलमा जित निकालेको छ । बुधबारको खेलमा समेत जित निकाले नेपाल एक खेल अगावै फाइनलमा पुग्नेछ ।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...
काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...