
२०१७ पुस १ गते तत्कालीन राजा महेन्द्रले खोसेको प्रजातन्त्र २०४६ साल चैत २६ गते पुनःस्थापना भएको थियो ।
३० वर्षे निर्दलीय पञ्चायती व्यवस्थालाई घुँडा टेकाएको ऐतिहासिक आन्दोलनको स्मरण गर्दा चैत २४ गते राजधानीसहित देशका मुख्य मुख्य शहरमा भएको जनउभार र जनताको बलिदानीपूर्ण सहभागिताले निरंकुस पञ्चायति व्यवस्थाका शासकहरु घुँडा टेक्न वाध्य भएका थिए । प्रजातन्त्र पुनस्र्थापना भएको ३६ वर्ष हुँदैछ । यो अवधिमा धेरै राजनीतिक दलहरुले कार्यकारी सरकारको नेतृत्व लिए । तर जनताको आशा बमोजिम देशको उन्नति र विकास हुन सकेको छैन ।
युग सुहाउँदो र दू्रत गतिमा विकास हुन नसक्दा आज पनि नागरिकमा उत्तिकै निरासा र आक्रोस छ । यसलाई संवोधन गर्न प्रजातन्त्र पक्षधर राजनीतिक दलहरुले दलीय स्वार्थभन्दा माथि उठेर देशको लागि केही गर्ने बेला आएको छ । जनताको सर्वोच्चतासहित देशमा वास्तविक लोकतन्त्रको प्रत्याभूति हरेक जनताले गर्न सकोस् भन्ने ध्येयका साथ जनआन्दोलनमा आम नागरिकहरु होमिएका थिए । तर उनीहरुको त्यो आशा अझै पुरा भएको छैन । अहिले देशमा ‘लोकतन्त्र आएको हो कि लुटतन्त्र आएको हो ?’ भनेर आमनागरिक राज्यमाथि नै प्रश्न गर्न थालेका छन् ।
देश भ्रष्टाचारले हसनहस पारेका घटनाहरु एक पछि अर्को गर्दै आइरहेका छन् । अहिले आम जनताहरु निराश भएका र जनताको निराशामा निकास र बदलावका लागि दलहरुले कार्यक्रम लिएर आउन सकेका छैनन् । ०४६ पछिका विभिन्न आन्दोलनको उपलब्धी संस्थागत हुन सकेको छैन । संविधान सभामार्फत जारी भएको संविधानले पनि जनता ठग्नेभन्दा बाहेक अर्को कुनै काम गर्न नसकेको उनले बताए । संविधानमा सबै चिज भएपनि जनताले केही पनि पाउन नसकेको उनको भनाइ छ । संविधानले धेरै छोटेराजा जन्माउने काम गरेको टिप्पणी गरे ।
नेताहरुले नेपाली जनतालाई ढाँट्ने र ठग्ने काम गरेको दाबी गर्दै उनले देशमा व्यप्त बेथिति, भ्रष्टाचार र कुसासनबिरुद्ध समाजका सबै वर्ग, लिंग, क्षेत्र र समुदायका व्यक्तिहरुले दलिय स्वार्थभन्दा माथि उठेर सुशासन र विकासका लागि एक पटक दबाबमुलक अभियान संचालन गर्नु पर्ने देखिन्छ । नेपाली जनताको अधिकारलाई स्थापित गर्नका निमित्त शान्तिको देश भनेर विश्वले चिन्नेको नेपालमा शान्तिपूर्ण र वैधानिक दबाबको खाँचो देखिन्छ ।
(नयाँ विकल्प साप्ताहिक बाट)
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...