
काठमाडौं। राष्ट्रपति रामचन्द्र पौडेलले लगानीसँग सम्वन्धितत कानूनहरु संशोधन गर्न सरकारले निर्णय गरि पठाएको सिफारिसलाई कार्यान्वयन गर्दै अध्यादेश जारी गरेका छन्।
राष्ट्रपति पौडेलले आइतबार ‘लगानी सहजीकरणसम्बन्धी केही नेपाल ऐनलाई संशोधन गर्ने अध्यादेश–२०८१’ जारी गरेका हुन्।
राष्ट्रपतिले संविधानको धारा ११४ को उपधारा १ बमोजिम सरकारको सिफारिसमा सो अध्यादेश जारी गरेको राष्ट्रपति कार्यालयकी प्रवक्ता शैलजा रेग्मी भट्टराईले जारी गरेको विज्ञप्तिमा उल्लेख छ।
तेस्रो लगानी सम्मेलन आइतबारदेखि राजधानीमा सुरु भएको छ। नेपालमा लगानी गर्न चाहनेहरुलाई सहजीकरण गर्न आवश्यक कानुनका लागि सरकारले अध्यादेश ल्याएको हो।
पूर्वनिर्धारित लगानी सम्मेलनसँग सम्वन्धित कानूनहरु संघीय संसद चालु रहेको बेला पेश नगरी संसदलाइृ छलेर अध्यादेश जारी गर्न मन्त्रिपरिषदले राष्ट्रपतिलाई सिफारिस गरेको भन्द्र संघीय संसदको प्रमुख प्रतिपक्षी दल नेपाली कांग्रेसले शनिबार आपत्ति जनाएको थियो।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...