तमु समाज महिला विभागद्वारा कतारद्वारा सांस्कृतिक साँझ तथा दाजुभाई भेटघाट – Naya Bikalpa
June 19, 2024, Wednesday

तमु समाज महिला विभागद्वारा कतारद्वारा सांस्कृतिक साँझ तथा दाजुभाई भेटघाट

दोहा। नेपालको फरक भू–भाग र क्षेत्रका विभिन्न जातजातिहरुले आ–आफ्नो संस्कृति तथा परम्पराअनुसार प्रवासमा भए पनि विभिन्न चाडपर्वहरुमा भेटघाट र औपचारिक कार्यक्रमहरु गर्दै आएका छन्।
नेपालीहरु विभिन्न पेशा व्यवसाय तथा रोजगारीका शिलशिलामा जहाँ भए पनि आफ्नो संस्कृति मनाउने गरेको पाइन्छ।

हालै कतारको दोहामा प्रवासी तमु गुरुङ समाज महिला विभागले आ–आफ्नो भेषभुषा धर्म, संस्कृतिको जगेर्ना गर्दै भेटघाट तथा सांस्कृतिक कार्यक्रम आयोजना गरी नेपालीबीच आत्मियता बढाउने कार्य गरेको छ।

तमु गुरुङ समाज महिला विभागद्वारा कतारद्वारा आयोजित सांस्कृतिक साँझ तथा दाजुभाई भेटघाट कार्यक्रमका प्रमुख अतिथि गैरआवसीय नेपाली संघ कतारका अध्यक्ष रमेश भट्टले तमु गुरुङ समाजले नेपालको संस्कृति बचाउन खेलेको भूमिकाको कतारमा रहेका नेपाली समाजले उच्च मूल्यांकन गरेको बताए।

तमु गुरुङ समाज महिला विभाग कतारकी संयोजक शिला गुरुङको अध्यक्षतामा भएको सो कार्यक्रममन विशिष्ट अतिथि सामाजिक अभियन्ता विमल सुवेदीले समाजले कतारमा बसे पनि नेपालमा रहेको अनुभूति दिलाउने गरी कार्यक्रम प्रस्तुत गरेकोमा धन्यवाद व्यक्त गरे।

सुवेदी दुई दशकअघि रोजगारीको शिलशिलामा कतार बसेर विभिन्न सामाजिक संघ संस्थालाई सहयोग गर्दै आएका नेपाली हुन्।

तमु गुरुङ समाज महिला विभाग अध्यक्ष टौंमाया गुरुङ, समाजका संरक्षक वुध्वाल गुरुङ, कृष्ण गुरुङ, भाइकाजी गुरुङ, नेपाली जन सम्पर्क समितिका सभापति मोहम्मल अजिज अली तथा पूर्णकाँध गुरुङलगायत कतारमा रहेका तमु गुरुङ समाजका सदस्यहरुको धेरै संख्यामा उपस्थिति थियो।

तमु गुरुङ समाज महिला विभागकी अध्यक्ष टौं माया गुरुङले यस्तो राष्ट्रिय पर्व वैशाख पूर्णिमाका दिन घाटुवाल नाच, वायुपुजा र चेलीवेटी भेटघाट तथा रात्रीभोजका बारेमा प्रकाश परेकी थिइन्।

त्यसैगरी, कवि तीर्थ संगम, अन्तर्राष्ट्रिय मुस्लिम समाजका अजमाद अली, शेर्पा विदुकका अध्यक्ष पेम्वा शेर्पा, राकेश श्रेष्ठ, आदिवासी जनजाति महासंघका सल्लाहकार पुरुषोत्तम सुनुवार, नेपाली महिला समाजका सचिव मेनुका भण्डारी, नेपाल जनप्रगतिशील मञ्चका सोवित गोलेसहित विभिन्न पेशा व्यवसाय तथा रोजगारीका कतारमा वस्ने नेपालीहरुको समारोहमा उपस्थिति थियो।

तमु गुरुङ समाज महिला विभागले आयोजना गरेको सो साँस्कतिक कार्यक्रममा नाचगान तथा गीतले सवैलाई हर्षित तुल्याएको थियो।

कार्यक्रममा कवि तिर्थ संगम राईको एउटा दाजुको कन्फ्रेसन शीर्षकमा कविता पाठ गरिएको थियो भने अतिथिहरुलाई भाङ्ग्रो ओढाएर स्वागत नाचबाट स्वागत गरिएको थियो। कार्यक्रमको अन्त्यतिर सबैले नाचेर गीत गाउँदा हल गुञ्जायमान भएको थियो।

सम्बन्धित समाचार

मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
  • २०८१ जेष्ठ २८, १३: ५२

काठमाडौं। जनमत पार्टीका बरिष्ठ उपाध्यक्ष तथा प्रतिनिधिसभा सदस्य अब्दुल खानले क्रसर उद्योगीले राखेको जायज माग पुरा गर्नु पर्ने माग गरेका...

काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
  • २०८१ जेष्ठ २८, १३: ५२

  काठमाडौं। जनमत पार्टीका अध्यक्ष समेत रहेका प्रतिनिधि सभा सदस्य डा.सीके (चन्द्रकान्त) राउतलाई उपप्रधानमन्त्रीसहित परराष्ट्रमन्त्री बनाउन प्रधानमन्त्री पुष्पकमल दाहाल ‘प्रचण्ड’...

राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
  • २०८१ जेष्ठ २८, १३: ५२

काठमाडौं। राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले भौतिक पूर्वाधार तथा यातायात मन्त्रालयको आगामी आर्थिक वर्ष २०८१–०८२को लागि विनियोजन पुस्तिका...