श्रीमति बलात्कारको आरोपमा पूर्वन्यायाधीश गिरीलाई ७ वर्ष कैद र ३ लाख जरिवाना

नयाँ विकल्प संवाददाता
प्रकाशित मिती: २०८१ जेष्ठ २९, १८: ०६

काठमाडौंं। पूर्व जिल्ला न्यायाधीश भुवन गिरीलाई जबरजस्ती करणीमा दोषी ठहर गरेसँगै ७ वर्ष कैद र तीन लाख रुपैयाँ जरिवानाको आदेश भएको छ।

काठमाडौं जिल्ला अदालतका न्यायाधीश दुर्गा भुसालको एकल इजलासले गिरीले तत्कालिन श्रीमतीसँग सहमति बेगर शारीरिक सम्पर्क राखेको ठहर गर्दै ७ वर्ष कैद र ३ लाख क्षतिपूर्ति भराउने फैसला सुनाएको हो।

जिल्लाले यसअघि उनलाई जेठ १३ गते दोषी ठहर गरेको थियो। उक्त फैसलाको सजाय निर्धारण गर्दै अदालतले उक्त कैद र जरिवाना तोकेको हो।

उनी सर्वोच्च अदालतको आदेशले यसअघि नै थुनामा रहेका छन् ।

जिल्लाले फौजदारी अभियोगमा दोषी ठहर गरेपछि उनले न्यायाधीश पदसमेत गुमाइसकेका छन्। कपिलवस्तु जिल्ला अदालतमा कार्यरत रहेकै अवस्थामा गिरी निलम्बनमा परेका थिए।

सम्बन्धित समाचार

भारतको सहयोगमा खाम्लालुङ स्वास्थ्य चौकी शिलान्यास

२०८१ जेष्ठ २९, १८: ०६

काठमाडौं : नेपाल–भारत विकास सहकार्य’अन्तर्गत भारत सरकारको सहयोगमा तेह्रथुमको आठराई गाउँपालिकामा खाम्लालुङ स्वास्थ्य चौकी भवनको शिलान्यास गरिएको छ। शुक्रबार तेह्रथुम...