शेयर बजारमा उछाल, ३३ अंकले बढेको नेप्से बढ्दा साढे ५ अर्ब बढीको कारोबार – Naya Bikalpa
June 19, 2024, Wednesday

शेयर बजारमा उछाल, ३३ अंकले बढेको नेप्से बढ्दा साढे ५ अर्ब बढीको कारोबार

काठमाडौं। साताको तेस्रो दिन मंगलबार सेयर कारोबारमा उछाल आएको छ। सेयर बजार परिसूचक नेप्से ३३ अंकले बढेको छ।

नेप्से परिसूचक ३३.१५ अंकले बढेर २११५.२४ विन्दुमा पुगेको छ। अघिल्लो दिन सोमबारको कारोबार नेप्से परिसूचक ८.९० अंकले बढेको थियो।

सेन्सेटिभ इण्डेक्स १.१३ प्रतिशतले बढेर ३७३.२३ विन्दुमा अडिएको छ। यसदिन ३११ स्क्रिप्सको १ करोड २६ लाख ६५ हजार ३२९ कित्ता सेयर ५ अर्ब ५५ करोड ५३ लाख ६१ हजार ७३९ रुपैयाँमा खरिदबिक्री भए।

कारोबार रकम सोमबारको तुलनामा बढेको हो। सोमबार ५ अर्ब ४९ करोड मूल्य बराबरको सेयर कारोबार भएको थियो। दोहोरो अंकले बढेको सेयर बजारमा चार कम्पनीको सेयर सकारात्मक सर्किट लेभलमा कारोबार भयो।

बरुण हाइड्रोपावर,ग्रिन भेन्चर,कुथेली बुखारी र भगवती हाइड्रोपावरको सेयर १० प्रतिशतले बढेको हो। यसैगरी हेवाखोला हाइड्रोपावरको सेयर ९.९८ प्रतिशतले बढ्यो।

कारोबार रकमका आधारमा ३६ करोड मूल्य बढिको सेयर कारोबार भयो। माउन्टेन इनर्जीको २३ करोड,ग्लोबल आईएमई लघुवित्त वित्तीय र जानकी फाइनान्सको १०÷१० करोडको सेयर कारोबार भयो।

सम्बन्धित समाचार

मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
  • २०८१ जेष्ठ २९, १८: १३

काठमाडौं। जनमत पार्टीका बरिष्ठ उपाध्यक्ष तथा प्रतिनिधिसभा सदस्य अब्दुल खानले क्रसर उद्योगीले राखेको जायज माग पुरा गर्नु पर्ने माग गरेका...

काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
  • २०८१ जेष्ठ २९, १८: १३

  काठमाडौं। जनमत पार्टीका अध्यक्ष समेत रहेका प्रतिनिधि सभा सदस्य डा.सीके (चन्द्रकान्त) राउतलाई उपप्रधानमन्त्रीसहित परराष्ट्रमन्त्री बनाउन प्रधानमन्त्री पुष्पकमल दाहाल ‘प्रचण्ड’...

राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
  • २०८१ जेष्ठ २९, १८: १३

काठमाडौं। राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले भौतिक पूर्वाधार तथा यातायात मन्त्रालयको आगामी आर्थिक वर्ष २०८१–०८२को लागि विनियोजन पुस्तिका...