राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका

नयाँ विकल्प संवाददाता
प्रकाशित मिती: २०८१ असार ४, १८: ०३

काठमाडौं। राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले भौतिक पूर्वाधार तथा यातायात मन्त्रालयको आगामी आर्थिक वर्ष २०८१–०८२को लागि विनियोजन पुस्तिका प्रतिनिधिसभाको रोष्ट्रममै च्यातेका छन्।

मन्त्रालयगत बजेट विनियोजनमा अन्याय गरेको भन्दै उनले सो पुस्तिका च्यातेका हुन्। उनले भने, ‘जब भौतिक पूर्वाधार तथा यातायात मन्त्रालयको यो पुस्तिका हातमा प¥यो त्यो दिनदेखि म यसरी तात्तिएको छु कि यो यसरी च्यातेर हु¥याउने मन छ तर, यो संसदीय मर्यादाविपरीत हुन्छ भनेर जहाँ हु¥याउनुपर्ने त्यहाँ चाहि मैले नहु¥याएर यहाँ राख्छु।’

अध्यक्ष लिङ्देनले बजेट पुस्तिका च्यातेपछि विपक्षी दलका सांसदहरुले टेबुल ठोकेर समर्थन गरेका थिए। विपक्षी दलका सांसदहरुले मन्त्री महासेठले आफ्नै गृह जिल्ला धनुषा र एमाले अध्यक्ष केपी शर्मा ओलीको गृह जिल्ला झापामा बढी बजेट छुट्याएर अन्य जिल्लालाई अन्याया गरेको भन्दै विरोध जनाइ रहेका बेला लिङ्देलनले पुस्तिका च्यातेर असन्तुष्टि जनाएका हुन्।

मन्त्री महासेठले झापाको पनि निर्वाचन क्षेत्र २ र ५ मात्रै बजेट बढी पारेका छन् । लिङ्देन आफै झापा निर्वाचन क्षेत्र नम्वर ३ बाट निर्वाचित सांसद हुन्। झापाको क्षेत्र नम्वर २ भने सभामुख देवराज घिमिरेकै निर्वाचन क्षेत्र हो।