पदबाट राजिनामा दिनुअघि नै मन्त्री क्वाटर छाडे रास्वपाका मन्त्रीहरुले – Naya Bikalpa
November 19, 2026, Thursday      Epaper

पदबाट राजिनामा दिनुअघि नै मन्त्री क्वाटर छाडे रास्वपाका मन्त्रीहरुले

काठमाडौं। राष्ट्रिय स्वतन्त्र पार्टी (रास्वपा)का मन्त्रीहरुले सरकारी निवास छाडेका छन्। उपप्रधानमन्त्री तथा गृहमन्त्री रवी लामिछानेसहितका मन्त्रीहरु क्वाटरबाट आफ्नो निवासमा सरेका हुन्।

गठबन्धन परिवर्तनसँगै राष्ट्रिय स्वतन्त्र पार्टी (रास्वपा)बाट सरकारमा सहभागी चार मन्त्री चार महिनामै पदमुक्त हुने निश्चित भए पछि सरकारी निवास छाडेका हुन्। रास्वपाबाट सभापति लामिछानेसहित डीपी अर्याल, सुमना श्रेष्ठ र विराजभक्त श्रेष्ठ मन्त्री छन्।

रास्वपाका मन्त्रीहरुले राजीनामा दिएका भने छैनन्। केही दिनअघि चारैजना मन्त्रीले प्रधानमन्त्री पुष्पकमल दाहाल प्रचण्डलाई राजिनामा बुझाउन पत्र बोकेर बालुवाटार गएका थिए तर राजिनामा नबुझाई फर्किएका थिए।

भेटमा प्रधानमन्त्रीले संविधानले दिएको अधिकार प्रयोग गर्दै संसद फेस गर्ने जानकारी गराए र रास्वपालाई पनि राजीनामा दिन हतार नगर्न सुझावका थिए।

प्रधानमन्त्रीको आग्रहलाई स्वीकार गर्दै रास्वपा मन्त्रीहरुले राजिनामा दिएका थिएनन्।

गृहमन्त्री लामिछाने र उपसभापति डीपी अर्यालले गत असार १८ गते नै क्वाटर छोडेका थिए। खेलकुदमन्त्री विराजभक्त श्रेष्ठले सोमबार छोडेका हुन्। उनले आफू चढेको गाडी र गार्डहरु पनि फिर्ता गरेका छन्।

मन्त्री श्रेष्ठ गत शुक्रबारदेखि मन्त्रालय पनि गएका छैनन्। गृहमन्त्री लामिछाने भने मन्त्रालयको काममा व्यस्त नै छन्।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ असार २५, १३: २४

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ असार २५, १३: २४

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ असार २५, १३: २४

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...