भारतको असाममा बाढीको वितण्डाबाट ६० लाख नागरिक प्रभावित – Naya Bikalpa
July 24, 2024, Wednesday

भारतको असाममा बाढीको वितण्डाबाट ६० लाख नागरिक प्रभावित

 

गुवाहटी। भारतको असाम राज्यमा बाढीका कारण २९ जिल्लाका ६० लाख मानिस प्रभावित भएका छन्।

भारतको असाममा बाढी र पहिरो पीडित ५ सयभन्दा बढी परिवार रेलमार्गको एउटा ट्रयाकमा बस्न बाध्य छन्।

बाढीको पानीले नडुबेको जमुनामुख जिल्लाको एउटा गाउँका मानिसहरू ट्र्याकमा बस्न बाध्य भएका हुन्।

हालै भीषण वर्षापछि आएको बाढी र पहिरोले उनीहरूको घर बगाएको थियो। बाढीले सबै बगाइदिएपछि चङ्गजुराई र पाटिया पथर गाउँका मानिस अलपत्र परेका

त्रिपालमुनि अस्थायी आवासमा शरण लिएका स्थानीय विगत पाँच दिनदेखि प्रदेश सरकार र जिल्ला प्रशासनबाट खासै सहयोग नपाएको गुनासो गरेका छन्।

प्रिमनसुनमा वर्षापछि आएको बाढीबाट हजारौँ मानिस विस्थापित छन्। बाढीबाट सबैभन्दा बढी पूर्वी होजाइ र काचर जिल्लाका दुई लाख भन्दाबढी प्रभावित भएका छन्।
अहिलेसम्म ४८ हजार मानिसहरूलाई विभिन्न २४८ ओटा राहात शिविरमा स्थानान्तरण गरिएको छ।

बाढीबाट सबैभन्दा बढी पूर्वी होजाइ र काचर जिल्ला प्रभावित छन्। यी जिल्लामा दुई लाखभन्दा बढी मानिस प्रभावित भएका छन्।

होजाई जिल्लामा फसेका दुई हजारभन्दा बढी मानिसलाई सेनाले उद्धार गरेको छ। बाढीका कारण दक्षिणी असामको दिमा हासो जिल्ला पनि नराम्रोसँग प्रभावित छ।
होजाई र दिमाहासो जिल्ला नेपाली भाषी बाहुल्य क्षेत्र हो।

बाढीमा ज्यान गुमाएका पीडितका परिवारलाई सरकारले जनही ४ लाख दिने यसअघि नै घोषणा गरिसकेको छ।

त्यस्तै, दराङ जिल्लाका ९८ गाउँ डुबानमा परेको आसामका जलस्रोतमन्त्री पिजुस हजारिकाले बताए।

‘पछिल्लो समय दराङको स्थिति सुधार हुँदै गएको छ। ब्रह्मपुत्र नदीको पानीको सतह घट्दै गएको छ,’ उनले दराङका बाढी प्रभावित क्षेत्रको भ्रमण गरेपछि भने, ‘यस पटक असममा चार वटा तटबन्ध भत्किएका छन्। नदी किनारमा धेरै विनाश भएको छ। हामीले अवस्थालाई गम्भीरतापूर्वक लिएका छौँ। हामी जनतालाई मद्दत गरिरहेका छौँ ।’

सरकारले यसै वर्ष प्रदेशमा दुई सय २० किलोमिटर नयाँ तटबन्ध निर्माण गर्न लागेको मन्त्री हजारिकाले जानकारी दिए।

सम्बन्धित समाचार

विमानस्थलमा आपतकालिन उद्धार संयन्त्र झुरः भिआईपीले थपे सकस
विमानस्थलमा आपतकालिन उद्धार संयन्त्र झुरः भिआईपीले थपे सकस
  • २०८१ असार २५, १३: ५१

काठमाडौं। मुलुकको एक मात्र अन्तराष्ट्रिय विमानस्थल (संचालित) त्रिभुवन अन्तराष्ट्रिय विमानस्थलमा आपतकालिन अवस्थामा गरिने उद्धारको प्रवन्ध कति कमजोर रहेछ भन्ने तथ्य...

सौर्य एयरलाइन्स दुर्घटनामा परि एकै परिवारका तीन जनाको निधन
सौर्य एयरलाइन्स दुर्घटनामा परि एकै परिवारका तीन जनाको निधन
  • २०८१ असार २५, १३: ५१

काठमाडौं। त्रिभुवन अन्तराष्ट्रिय विमानस्थल परिषरमा उडान भर्नासाथ दुर्घटना भएको सौर्य एयरलाइन्समा सवार एकै परिवारका तीन जनाको निधन भएको छ। सौर्य...

बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
  • २०८१ असार २५, १३: ५१

हेटौंडा। बागमती प्रदेशमा नवनियुक्त मुख्यमन्त्री बहादुरसिंह लामासहित ९ जना मन्त्रीहरुले सपथ लिएका छन्। नेपाली कांग्रेसबाट कुन्दनराज काफ्ले, श्याम खड्का र...