गृहमन्त्री लामिछानेमाथि सहकारी ठगी र राहदानी प्रकरणमा छानबिन होस्

काठमाडौं । राष्ट्रिय स्वतन्त्र पार्टी (रास्वपा)को महामन्त्रीबाट निलम्बनमा परेका डा.मुकुल ढकालले पार्टी सभापति रवी लामिछानेमाथि सहकारी ठगी र राहदानी दुरुपयोग प्रकरणमा छानबिनको माग गरेका छन्।

राजधानीको अनामनगरमा बुधबार पत्रकार सम्मेलन गर्दै डा.ढकालले पार्टी सभापति लामिछानेमाथि नै प्रश्न उठाएका हुन्।

पार्टीले मंगलबार महामन्त्री र केन्द्रीय सदस्यबाट निलम्बन गरेलगत्तै बुधबार पत्रकार सम्मेलन गरेको ढकालले असार १९ गतेको बैठकमा मुखमा कालो टेप लगाएर बस्नु आफ्नो कमजोरी भएको हुनसक्ने उनले बताए।

आफूले सभापतिसँग संवाद गर्न खोजे पनि नमानेको ढकालले दाबी गरे।

पछिल्लो पटक सर्वोच्च अदालतले नै लामिछानेमाथि अनुसन्धान गर्नुपर्छ भनिसकेको भन्दै उनले भने, ‘यसमा रास्वपाको धारणा के छ? पार्टीले स्वतन्त्र छानबिन समिति गठन गर्नुपर्छ।’

त्यस्तो समितिमा बस्नेहरु लामिछानेले नभई राजदूत छनोट जस्तै प्रक्रियाबाट ल्याउनुपर्ने उनको माग छ।

उनले लामिछानेको राहदानी प्रकरणबारे पार्टीले छानबिन गर्नुपर्ने माग गरे। यो मुद्दामा उनी दोषी ठहर भए भोलिका दिनमा चुनाव नै लड्न नपाउने दाबी गर्दै भने, ‘यो पार्टी जीवनसँग जोडिएकाले उच्चस्तरीय छानबिन गर्नुपर्छ।’

जनताको कुरा बोल्दा कारबाही गरेको भन्दै उनले आगामी महिना प्रस्ताव यात्रा सुरु गर्ने र कसरी जाने भनेर जनतालाई सोध्ने बताए।

सम्बन्धित समाचार

एमाले नेतृत्वलाई भीम रावलको चुनौती– कारबाही गरेर देखाउ !

• २०८१ असार २६, १८: ०२

अछाम। नेकपा (एमाले) का नेता तथा पूर्वउपाध्यक्ष भीम रावलले आफूमाथि कारबाही गरेर देखाउन पार्टी नेतृत्वलाई चुनौति दिएका छन्। अछाममा मंगलबार...

उपसभामुख रानाविरुद्ध आजै महाभियोग ल्याइँदै

• २०८१ असार २६, १८: ०२

  काठमाडौं। सत्तारुढ दलका सांसदहरुले उपसभामुख सुश्री इन्दिरा राना मगरविरुद्ध महाभियोग प्रस्ताव दर्ताको तयारी गरेका छन्। महाभियोग प्रस्ताव दर्ता गराएलगत्तै...

इन्द्रजात्राको अक्षयकोष १५ करोडको बनाउन पहल गर्छुः मन्त्री पाण्डे

• २०८१ असार २६, १८: ०२

काठमाडौं। संस्कृति, पर्यटन तथा नागरिक उड्डयन मन्त्री बद्रीप्रसाद पाण्डेले इन्द्रजात्रा अन्तर्राष्ट्रिय रूपमा स्थापित भइसकेको भन्दै इन्द्रजात्राको अक्षय कोष बृद्धि गरेर...