सरकार संविधानको धारा ७६ (२) कि (३) अनुसार बनाउने राष्ट्रपतिको विवेकमा निर्भरः प्रधानमन्त्री – Naya Bikalpa
July 24, 2024, Wednesday
कांग्रेस–एमाले गठबन्धनको तयारी उद्यमी चौधरी र थापाको घरमा भएको दाबी

सरकार संविधानको धारा ७६ (२) कि (३) अनुसार बनाउने राष्ट्रपतिको विवेकमा निर्भरः प्रधानमन्त्री

काठमाडौं। प्रधानमन्त्री पुष्पकमल दाहाल ‘प्रचण्ड’ले आगामी सरकार संविधानको कुन व्यवस्थाअनुसार आह्वान गर्ने भन्ने विषय राष्ट्रपति रामचन्द्र पौडेलको विवेकमा भर पर्ने बताएका छन्।

माओवादी केन्द्रको संसदीय दलको बुधबार बसेको बैठकमा प्रधानमन्त्री दाहालले आफूले संसद्मा विश्वासको मत लिने र त्यसपछि संविधानको कुन व्यवस्थाअनुसार सरकार गठन हुने भन्नेमा विवाद रहेको बताए।

‘संविधानको धारा ७६ को उपधारा (३) अनुसार सरकार बन्ने कि संविधानको धारा ७६ को उपधारा (२) अनुसार बन्ने भन्नेमा बहस छ, मत विभाजित छन्, ’दाहालले भनेका थिए, ‘अन्ततः राष्ट्रपतिको विवेकमा भर पर्छ।’

संविधानको धारा ७६ को उपधारा (२) मा संसद्मा रहेका दुई वा दुईभन्दा बढी दल मिलेर सरकार गठन गर्ने व्यवस्था छ भने धारा ७६ को उपधारा (३) मा संसद्को सबैभन्दा ठूलो दलको संसदीय दलको नेता प्रधानमन्त्री बन्ने व्यवस्था छ।

काँग्रेस संसदको सबैभन्दा ठूलो दल हो तर, संसदीय दलका नेता शेरबहादुर देउवा संविधानको धारा ७६ को उपधारा (३) अनुसारको प्रधानमन्त्री बन्न तयार नरहेको पनि दाहालले बताए।

‘संविधानको धारा ७६ को उपधारा (३) अनुसार जो प्रधानमन्त्री हुनुपर्ने हो उनी लिन तयार छैनन्, ’दाहालले भनेका थिए।

उनले एमाले र कांग्रेसबीच सरकार गठन गर्नका लागि उद्योगी तथा सांसद विनोद चौधरीको घरमा तयारी भएको र उद्यमी रामेश्वर थापाको घरमा सम्झौता भएको पनि बताएका थिए।

काँग्रेस र एमालेबीच सत्ता गठबन्धन बनाउनका लागि छलफल भइरहेका सूचना आफूकहाँ आएको पनि उनको भनाइ थियो।

सम्बन्धित समाचार

विमानस्थलमा आपतकालिन उद्धार संयन्त्र झुरः भिआईपीले थपे सकस
विमानस्थलमा आपतकालिन उद्धार संयन्त्र झुरः भिआईपीले थपे सकस
  • २०८१ असार २७, १४: २५

काठमाडौं। मुलुकको एक मात्र अन्तराष्ट्रिय विमानस्थल (संचालित) त्रिभुवन अन्तराष्ट्रिय विमानस्थलमा आपतकालिन अवस्थामा गरिने उद्धारको प्रवन्ध कति कमजोर रहेछ भन्ने तथ्य...

सौर्य एयरलाइन्स दुर्घटनामा परि एकै परिवारका तीन जनाको निधन
सौर्य एयरलाइन्स दुर्घटनामा परि एकै परिवारका तीन जनाको निधन
  • २०८१ असार २७, १४: २५

काठमाडौं। त्रिभुवन अन्तराष्ट्रिय विमानस्थल परिषरमा उडान भर्नासाथ दुर्घटना भएको सौर्य एयरलाइन्समा सवार एकै परिवारका तीन जनाको निधन भएको छ। सौर्य...

बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
  • २०८१ असार २७, १४: २५

हेटौंडा। बागमती प्रदेशमा नवनियुक्त मुख्यमन्त्री बहादुरसिंह लामासहित ९ जना मन्त्रीहरुले सपथ लिएका छन्। नेपाली कांग्रेसबाट कुन्दनराज काफ्ले, श्याम खड्का र...