पाइलट शाक्यको उद्वार, घटनास्थलबाट १८ शव संकलन

नयाँ विकल्प संवाददाता
प्रकाशित मिती: २०८१ श्रावण ९, १३: ३४

काठमाडौं। सौर्य एयरलाइन्सको जहाज दुर्घटना हुँदा १८ जनाको मृत्यु भएको छ । नेपाल नागरिक उड्डयन प्राधिकरणले १८ जनाको मृत्यु र एक जना घाइते भएको जनाएको छ।

प्राधिकरणको खोज तथा उद्धार समन्वय केन्द्रले जारी गरेको विज्ञप्तिमा आगलागी नियन्त्रणमा लिई १८ शव संकलन गरिएको उल्लेख छ।

९ एन–एएमई सीआरजे २०० विमान आज बिहान ११ बजे काठमाडौंबाट पोखरा जाने क्रममा विमानस्थल परिसरभित्रै दुर्घटना भएको हो। विमानमा चालक दलका सदस्यसहित १९ जना थिए।

विमानमा क्याप्टेन ३४ बर्षे मनिषरत्न शाक्य थिए। शाक्यलाई घटनास्थलबाट उद्धार गरेर सिनामंगलस्थित केएमसी अस्पतालमा लगिएको छ।

उनको आँखामा चोट लागेको छ । उनी बोल्नसक्ने अवस्थामा रहेको बताइएको छ।

सम्बन्धित समाचार

मधेश प्रदेश सरकारद्वारा मन्त्रिपरिषद् विस्तार

२०८१ श्रावण ९, १३: ३४

जनकपुरधाम : मधेश प्रदेश सरकारले मन्त्रिपरिषद् विस्तार गरेको छ । मुख्यमन्त्री कृष्णप्रसाद यादवको सिफारिसमा नियुक्त दुई मन्त्रीले सोमबार प्रदेश प्रमुख...