प्रदेश सरकार गठनमा देउवाले एकलौटी गरेको भन्दै शेखर पक्ष असन्तुष्ट – Naya Bikalpa
November 19, 2026, Thursday      Epaper

प्रदेश सरकार गठनमा देउवाले एकलौटी गरेको भन्दै शेखर पक्ष असन्तुष्ट

काठमाडौं। नेपाली कांग्रेसका सभापति शेरबहादुर देउवाले प्रदेश सरकार गठन र मन्त्रीहरुको नाम सिफारिस गर्दा पार्टीको इत्तर पक्षलाई वाहेक गरिएको भन्दै असन्तुष्टि जनाएका छन्।

सरकार गठन र मन्त्री पठाउँदा एकलौटी गरेको भन्दै पार्टी बरिष्ठ नेता डा.शेखर कोइरालाले अहिलेसम्म आफूहरुसँग कुनै प्रकारको सल्लाह र समन्वय नगरेको भन्दै असन्तुष्टि जनाएका हुन्।

प्रदेश सरकार गठन र आफ्नो समूहको सहभागीताबारे हिजो श्रावण ८ गते मंगलबार दिउसो बिशालनगरस्थित आफ्नो सम्पर्क कार्यालयमा बृहत अन्तरक्रिया समेत गरिएको थियो।

बैठकले प्रदेशको सरकार गठनमा आफ्नो समूहलाई सल्लाह र समन्वय नगरेको भन्दै देउवाको एकल निर्णय अस्वीकार गर्ने चेतावनी समेत दिएको थियो।

डा.कोइरालाले उपसभापति धनराज गुरुङ, महामन्त्री गगन थापा र लुम्बिनी प्रदेश सभापति अमरसिंह पुनसँग छलफल गरेका थिए।

छलफलमा कोशीमा–२ वाग्मतीमा–३ गण्डकीमा २, लुम्बिनीमा, २, कर्णालीमा, १ र सुदूरपश्चिममा, १ जना मन्त्री आफ्नो समूहलाई दिनुपर्ने निष्कर्ष निकालेको थियो।

बैठक सकिएलगत्तै डा. कोइरालाले सभापति देउवालाई फोन गरेर आफ्नो समूहको धारणा सुनाएको कोइरालाको निजी सचिवालयले जानकारी दिएको छ।

स्रोतका अनुसार कोइराला–देउवा संवादपछि अहिलेसम्म सभापतिबाट कुनै जवाफ नआएको र विभिन्न प्रदेशमा भईरहेको सरकार गठनबारे सञ्चार माध्यममा आएका समाचारबाहेक कोइराला पूर्ण रुपमा बेखबर छन्।

महामन्त्रीद्वय गगनकुमार थापा र विश्वप्रकाश शर्माले सभापति देउवालाई भेटेर लिखित रूपमा विभिन्न विषयमा ध्यानाकर्षण गराउने तयारी गरेका हुन्।

महामन्त्रीद्वयले मन्त्रिपरिषद् विस्तार गर्दा समावेशितालाई ख्याल नगरेको‚ विवादित र स्वार्थ बाझिने सांसदहरूलाई मन्त्री बनाएको विषयमा ध्यानाकर्षण गराउने तयारी गरेका हुन्।

कोइराला समूहलाई वाइपास गर्दै देउवाले वुधबार बागमती र लुम्बिनीमा नयाँ समीकरण अनुसार गठन भएको सरकारमा एकलौटी रुपमा मन्त्रीहरुको नाम सिफारिस गरेका छन्।

बागमती प्रदेशमा कांग्रेस नेता बहादुर सिंह लामाको नेतृत्वमा नयाँ मन्त्रिमण्डल बनेको छ भने लुम्बिनीमा एमालेका चेतनारायण आचार्यको नेतृत्वमा सरकार गठन भएको छ।
लुम्विनी प्रदेश कांग्रेसको सभापतिमा कोइराला पक्षधर अमरसिंह पुन छने गण्डकी प्रदेशमा पनि कोइराला पक्षधर शुक्रराज शर्मा छन्। तर प्रदेश सरकार गठन गर्दा केन्द्रबाटै निर्णय हुने गरेको छ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ श्रावण १०, १७: ४०

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०८१ श्रावण १०, १७: ४०

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ श्रावण १०, १७: ४०

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...