बंगलादेशमा हिंसा भड्किएपछि प्रधानमन्त्री हसिना राजिनामा दिएर विदेश लागिन – Naya Bikalpa
November 19, 2026, Thursday      Epaper
प्रदर्शनकारी प्रधानमन्त्री निवासमा, सैनिक ‘कू’को सम्भावना !

बंगलादेशमा हिंसा भड्किएपछि प्रधानमन्त्री हसिना राजिनामा दिएर विदेश लागिन

ढाका । बंगलादेशकी प्रधानमन्त्री शेख हसिना वाजेदले पदबाट राजिनामा दिँदै हेलिकोप्टरबाट देश छाडेकी छन्।

सरकारको आरक्षण नीति विरुद्ध शुरु भएको आन्दोलन सरकारले सो नीति फिर्ता लिए पनि मत्थर भएको थिएन। प्रधानमन्त्री शेख हसिनाबिरुद्ध लक्षित आन्दोलनले उग्र रुप लिँदा आइतबार एकै दिन ९० प्रदर्शनकारीको मृत्यु भएको थियो।

सोमबार ढाकामा अनिश्चितकालिन कर्फ्यू लागू गरे पनि करिव चार लाख बढी प्रदर्शनकारी सडकमा उत्रिएपछि प्रधानमन्त्रीले पदबाट राजिनामा दिएर निवास छाडेकी छन्।

बिबिसी बंग्लाका अनुसार राजिनामा दिएकी प्रधानमन्त्री शेख हसिना हेलिकोप्टर चढेर विदेशिएकी छन्। उनी सम्भवत छिमेकी देश भारत जान सक्ने आंकलन गरिएको छ।

यता आन्दोलनकारीहरुले प्रधानमनन्त्री निवासमा प्रवेश गरी कब्जामा लिएका छन् भने त्यहाँ तोडफोड शुरु भएको छ।

बंगलादेशमा गत महिनादेखि आरक्षणको विरोधमा आन्दोलन हुँदै आएको छ । तर शेख हसिनाले आन्दोलनमा उठेका माग सम्बोधन गर्न चासो देखाएकी थिइनन् ।

सरकारी रोजगारीमा लागू भएको कोटा प्रणालीविरुद्ध विद्यार्थीहरुले आन्दोलन थालेका थिए । आन्दोलन चर्किएपछि अदालतले कोटा प्रणालीमा ठूलो सुधार गर्ने आदेश दियो। तर आन्दोलन रोकिएन।

पछिल्लो दिन प्रधानमन्त्री शेख हसिनाको राजीनामा माग गर्दै आन्दोलन चर्किएको थियो। आन्दोलनकारी प्रधानमन्त्री निवास गण भवनभित्रै प्रवेश गरेका छन् । त्यहाँबाट टेबुल कुर्सीहरु बाहिर निकालेका छन्।

ढाकामा सोमबार मात्र प्रदर्शनका क्रममा ६ जनाको मृत्यु भएको छ। राजधानी ढाकामा गाउँगाउँबाट समेत प्रदर्शनका लागि मानिसहरू आएको समाचारमा उल्लेख छ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ श्रावण २१, १५: ५७

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ श्रावण २१, १५: ५७

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०८१ श्रावण २१, १५: ५७

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...