प्रधानमन्त्री हसिना भारत पुगेपछि सेना प्रमुख वाकरको घोषणा ‘अन्तरिम सरकार बनाइन्छ’ – Naya Bikalpa
November 19, 2026, Thursday      Epaper
बंगलदेशको सत्ता सेनाको नियन्त्रणमा

प्रधानमन्त्री हसिना भारत पुगेपछि सेना प्रमुख वाकरको घोषणा ‘अन्तरिम सरकार बनाइन्छ’

काठमाडौं। बंगलादेशमा हिंसा भड्किएसँगै पदबाट राजिनामा दिएर प्रधानमन्त्री शेख हसिना वाजेद विदेशिएपछि बंगलादेश सेना प्रमुख जनरल वाकर उज जमानले अन्तरिम सरकार बनाउने घोषणा गरेका छन्।

प्रधानमन्त्री शेख हसिनाले देश छाडेलगत्तै सेनाले शासनसत्ता हातमा लिएको कुरा पत्रकार सम्मेलन गरेर जनाएको हो।

सेना प्रमुख वाकर उजले हिंसा अन्त्य गर्न सबै दललाई आग्रह गर्दै सबै दललाई अन्तरिम सरकार निर्माणमा सहयोग गर्न आव्हान गरेका छन् ।
‘हामी अन्तरिम सरकार बनाउने छौं। यसले बंगलादेशका लागि काम गर्नेछ’ पत्रकार सम्मेलनमा वाकर उजले भने।

यता शेख हसिना भने सेनाको बटालियनको सुरक्षामा हेलिकोप्टरमार्फत भारतको त्रिपुरा राज्यको राजधानी अगरतल्ला पुगेकी छन्।

विविसी हिन्दीका अनुसार उनी त्यहाँ सुरक्षीत रहेकी छन्। उनले देश छाडेपछि प्रधानमन्त्रीको सरकारी निवास गणभवनमा तोडफोड, आगजानी र लुटपाट भएको जनाइएको छ।

गत असार ९ गते अर्थात जुन २३ मा मात्रै सेना प्रमुखको जिम्मेवारी लिएका वाकर उज जमान डिसेम्वर २०, १९८५ मा जन्मिएका हुन्।

वाकर उलले डिफेन्स स्टडिजमा वेलायतको किङ्गस कलेज युनिभर्सिटी र नेसनल युनिभर्सिटी अफ बंगलादेशबाट स्नातकोत्तर गरेका छन्। उनले बेलायतबाटै डिफेन्स कोर्ष पुरा गरेका हुन्।

 

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०८१ श्रावण २१, १६: २८

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०८१ श्रावण २१, १६: २८

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०८१ श्रावण २१, १६: २८

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...