पर्सामा २३ सय क्युफिट काठ बरामद, २२६ जना पक्राउ – Naya Bikalpa
November 22, 2026, Sunday      Epaper

पर्सामा २३ सय क्युफिट काठ बरामद, २२६ जना पक्राउ

बीरगंज। डिभिजन वन कार्यालय पर्साले अवैध रुपमा काठको चोरी तथा तस्करी गर्नेबाट दुई हजार दुई सय ९१ क्युफिट काठ बरामद गरेको छ।

कार्यालयले आर्थिक वर्षदेखि २०७९–८० देखि २०८०–८१ सम्ममा सो परिमाणको काठ बरामद गरेको डिभिजन वन कार्यालय पर्साका प्रमुख सुनिलकुमार कर्णले जानकारी दिए ।

सो अवधिमा वनपैदावार तथा वन्यजन्तु चोरी सिकारी गर्ने कार्यमा संलग्न भएका २२६ जनालाई पक्राउ गरी आवश्यक कारबाही अगाडि बढाएको उनको भनाइ छ ।

कार्यालयले अवैध ढङ्गले दाउरा चोरी तस्करी गर्नेबाट पाँच सय क्युफिट बराबरको दाउरा समेत बरामद गरेको जनाएको छ ।

यस्तै, काठ दाउरा तस्करी गर्नेबाट १५ थान मोटरसाइकल, एक सय ४३ थान साइकल, छ थान ट्याक्टर, छ थान टायरगाडा, ४२ थान बञ्चरो, २० थान काठ काट्ने आरा पनि बरामद गरिएको छ ।

कार्यालयले आर्थिक वर्ष २०७९–८० मा एक सय २६ वटा वनसम्बन्धी मुद्दा दायर गरेको थियो । जसमा १२० थान वनपैदावारसँग र ६ वटा मुद्दा वन्यजन्तु चोरी सिकारीसँग सम्बन्धित थिए । आव २०८०–८१ मा भने कार्यालयले ४२ वटा वनपैदावारसँग सम्बन्धित मुद्दा दायर गरेको थियो ।

कार्यालय प्रमुख कर्णले चालु आर्थिक वर्षमा वनपैदावारसँग सम्बन्धित मुद्दालाई प्राथमिकतामा राखेर फर्स्यौट गरिने बताए ।

सम्बन्धित समाचार

प्रधानमन्त्री शाह भारत पुगे, उच्चस्तरीय भेटवार्ता गर्ने
प्रधानमन्त्री शाह भारत पुगे, उच्चस्तरीय भेटवार्ता गर्ने
  • २०८१ भाद्र ४, १३: ०२

काठमाडौं । प्रधानमन्त्री बालेन्द्र (बालेन) शाह दुईदिने राजकीय भ्रमणका लागि भारत पुगेका छन् । भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री...

नयाँ दिल्ली आइपुगे प्रधानमन्त्री शाह, भारतीय राज्यमन्त्रीले गरे स्वागत
नयाँ दिल्ली आइपुगे प्रधानमन्त्री शाह, भारतीय राज्यमन्त्रीले गरे स्वागत
  • २०८१ भाद्र ४, १३: ०२

नयाँ दिल्ली : प्रधानमन्त्री वालेन्द्र शाह दुईदिने भारत भ्रमणका लागि आज नयाँ दिल्ली आइपुगेका छन् । इन्दिरा गान्धी अन्तर्राष्ट्रिय विमानस्थलमा...

युएईद्वारा नेपालसामु १२२ रनको लक्ष्य प्रस्तुत
युएईद्वारा नेपालसामु १२२ रनको लक्ष्य प्रस्तुत
  • २०८१ भाद्र ४, १३: ०२

काठमाडौं : कतारमा जारी एसिया कप राइजिङ स्टार्स एकदिवसीय क्रिकेट प्रतियोगितामा युनाइटेड अरब इमिरेट्स (युएई) ले नेपालसामु १२२ रनको सामान्य...