सहकारी ठगी प्रकरणको छानबिन गर्न गठित समितिको म्याद १५ दिन थपियो

नयाँ विकल्प संवाददाता
प्रकाशित मिती: २०८१ भाद्र १८, १९: २६

काठमाडौं। सहकारी संस्था बचत रकम दुरुपयोग सम्बन्धमा गठीत संसदीय छानबिन समितिको कार्यअवधि १५ दिन थप भएको छ।

मंगलबार प्रतिनिधिसभाको बैठकमा समितिका सभापति सूर्यबहादुर थापाले राखेको १५ दिन म्याद थपको प्रस्ताव सर्वसम्मतिले पारित भएको हो।

जेठ १५ गते गठन भएको उक्त संसदीय समितिको पहिलो बैठक २२ जेठमा बसेको थियो। पहिले समितिको अवधि ३ महिना तोकिएकाले २२ भदौमा समय सकिंदै थियो।

मंगलबारको बैठकमा समिति सभापति थापाले समितिले सार्वजनिक बिदाको दिन, कार्यालय समय बाहेक बिहान, बेलुका र मध्यरातिसम्म काम गरिरहेको जनाउँ काम तीव्र गतिमा गर्दैगर्दा पनि समितिको कार्यावधि भदौ २२ गते समाप्त हुन लागेकाले धेरै काम बाँकी रहने बताए।

उनले छानबिनको कामलाई पूर्णता दिन दुई साताको समय जरुरी भएको भन्दै म्याद थपको प्रस्ताव गरेका थिए।

सम्बन्धित समाचार

भारतको सहयोगमा खाम्लालुङ स्वास्थ्य चौकी शिलान्यास

२०८१ भाद्र १८, १९: २६

काठमाडौं : नेपाल–भारत विकास सहकार्य’अन्तर्गत भारत सरकारको सहयोगमा तेह्रथुमको आठराई गाउँपालिकामा खाम्लालुङ स्वास्थ्य चौकी भवनको शिलान्यास गरिएको छ। शुक्रबार तेह्रथुम...