- अनामनगर काठमाडौँ
- infobikalpa21@gmail.com
काठमाण्डू : सञ्चार तथा सूचना प्रविधिमन्त्री पृथ्वी सुब्बा गुरूङ नेपाल टेलिकम (नेपाल दूरसंचार कम्पनी लिमिटेड) अपन काजके समीक्षा क आगाँ बढ़ए पड़बाक कहलैन अइछ ।
टेलिकमक २१म् वार्षिकोत्सवक अवसरमे आयोजित कार्यक्रममे मन्त्री गुरूङ कहलैन “टेलिकमके आमदनी हर बरख घटैत जा रहल छै आ निजी क्षेत्रक कम्पनिसभ आगाँ आइब रहल अइछ, एहि लेल टेलिकमकेँ गहिर समीक्षा करबाक जरूरी अइछ।”
सरकारक प्रवक्ता मन्त्री गुरूङ कहलैन, “सरकारी कम्पनीसभमे टेलिकमप्रति हमसभ गर्व क रहल छी, मुदा प्रतिस्पर्धात्मक बाजारमे अइ तरहे टेलिकम नै चलत । जँ अहाँसभ एखन समीक्षा नै कएब तँ भविष्यमे पछताए पड़त।”
मन्त्री गुरूङ कहलैन जे टेलिकम बढ़ैत प्रविधीकेँ अपनाके सेवा विस्तार करैत निजी क्षेत्रसँ प्रतिस्पर्धा करबाक चाही । ओ कहलैन “टेलिकममे कमसँ कम २५ प्रतिशत शेयर जनताके रहबाक चाही, जाहिसँ ई संस्थाक जनताप्रति उत्तरदायी बनत।”
ओ कहलैन, “सुशासनसँ जुड़ल विषय ई-गवर्नेंस अइछ, ताहि लेल 4G सेवा गाम-गामधैर पहुँचब जरूरी अइछ। जँ ई काज भ गेल तँ ओहि क्षेत्रके विकाश बहुत तेजीसँ हएत ।”
मन्त्री गुरूङ कहलैन जे अखनो ग्रामीण क्षेत्रसभमे टेलिकमके टावरमे समस्या अइछ, एहि लेल टेलिकमकेँ गुणस्तरीय आ प्रभावी सेवाप्रदान करबाक दिशामे आगाँ बढ़बाक निर्देशन देल गेल छै।
ओ कहलैन “मधेश क्षेत्रके २२ टा जिलामे टेलिकमक उपस्थिति कमजोर छै, एहि साल मधेशमे टेलिकमके समुचित पूर्वाधार विकाश करबाक आ निर्बाध सेवा प्रवाह करबाक निर्देशन देल गेल अइछ।”
मन्त्री गुरूङ जानकारी देलैन जे सामाजिक मीडियाके प्रबंधन करबाक लेल सरकार ‘सामाजिक मीडिया प्रयोग आ नियमन विधेयक’ संसद्मे पेश केने अइछ। नेपालकेँ ‘आईटी हब’ बनेबाक उद्देश्यसँ संचार, सूचना आ प्रविधीसँ जुड़ल कानूनसभमे सुधार करबाक तैयारी चइल रहल अइछ।
संचार मन्त्रालयक सचिव आ टेलिकमक अध्यक्ष राधिका अर्याल टेलिकम विकट गामसभमे सेवा विस्तार क रहल आ डिजिटल नेपाल बनाबैमे सरकारक योजनामे सहयोग द’ रहल बताैलैन ।
वीरगञ्ज : नेपाल–भारत विकास सहकार्यअन्तर्गत बारा जिल्लाको प्रसौनी गाउँपालिका–२ स्थित श्री बेङ्गा साह माध्यमिक विद्यालय तथा पुस्तकालय भवन निर्माण कार्य...
काठमाडौं : आजदेखि विसं २०८३ प्रारम्भ भएको छ । नयाँ वर्षलाई उत्साह, नयाँ उमङ्ग र नयाँ सुरुआतका रूपमा पनि लिने...
काठमाडौं : आजदेखि विसं २०८३ प्रारम्भ भएको छ । नयाँ वर्षलाई उत्साह, नयाँ उमङ्ग र नयाँ सुरुआतका रूपमा पनि लिने...
