- अनामनगर काठमाडौँ
- infobikalpa21@gmail.com
काठमाडौं । याम्बालिङ हाइड्रोपावर लिमिटेडले आजदेखि सर्वसाधारणका लागि प्राथमिक शेयर निष्कासन (आइपिओ) खुला गरेको छ।
कम्पनीले प्रतिकित्ता १०० रुपैयाँका दरले १७ लाख ४३ हजार कित्ता शेयर सार्वजनिक निष्कासनमा ल्याएको हो। यो आइपिओ वैशाख २२ गतेसम्म खुला रहनेछ भने सो अवधिमा पूर्ण आवेदन नपरेमा वैशाख ३० गतेसम्म म्याद थप गरिने कम्पनीले जनाएको छ।
कम्पनीको जारी पुँजी ७० करोड रुपैयाँ रहेको छ, जसको ४० प्रतिशत अर्थात् २८ लाख कित्ता शेयर सर्वसाधारणका लागि छुट्याइएको छ। यसमध्ये १० प्रतिशत अर्थात् ७ लाख कित्ता शेयर सिन्धुपाल्चोकका आयोजना प्रभावित स्थानीय बासिन्दालाई छुट्याइसकिएको छ भने बाँकी ३० प्रतिशत अर्थात् २१ लाख कित्ता सर्वसाधारणका लागि निर्धारण गरिएको हो।
सर्वसाधारणतर्फ छुट्याइएको २१ लाख कित्तामध्ये १० प्रतिशत (२ लाख १० हजार कित्ता) वैदेशिक रोजगारीमा रहेका नेपालीका लागि, २ प्रतिशत (४२ हजार कित्ता) कर्मचारीका लागि र ५ प्रतिशत (१ लाख ५ हजार कित्ता) सामूहिक लगानी कोषका लागि सुरक्षित गरिएको छ। बाँकी १७ लाख ४३ हजार कित्ता शेयर आजदेखि सर्वसाधारणका लागि खुला गरिएको हो।
यस निष्कासनको बिक्री प्रबन्धक मुक्तिनाथ क्यापिटल लिमिटेड रहेको छ। लगानीकर्ताले न्यूनतम १० कित्ता र अधिकतम २१ हजार कित्तासम्म आवेदन दिन सक्नेछन्।
केयर रेटिङ्स नेपाल लिमिटेडले कम्पनीलाई ‘केयर–एनपी बीबी माइनस’ जारीकर्ता रेटिङ पुनः पुष्टि गरेको छ, जसले वित्तीय दायित्व समयमै पूरा गर्न मध्यम जोखिम रहेको संकेत गर्दछ।
याम्बालिङ हाइड्रोपावरले सिन्धुपाल्चोकमा ७.२७ मेगावाट क्षमताको याम्बालिङ खोला जलविद्युत् आयोजना सञ्चालन गरिरहेको छ। उक्त आयोजना गत फागुन ८ गतेदेखि व्यावसायिक उत्पादनमा आएको कम्पनीले जनाएको छ।
काठमाडौं : राष्ट्रपति रामचन्द्र पौडेलले प्रधानमन्त्री वालेन्द्र शाह (बालेन)सँग मुलुकका विभिन्न भागमा भएको विषम घटना र परिस्थितिका बारेमा जानकारी लिएका...
काठमाडौं : नेपाल पत्रकार महासंघले देशका विभिन्न स्थानमा पछिल्लो समय देखिएका प्रदर्शन र झडपप्रति गम्भीर चिन्ता व्यक्त गर्दै धार्मिक सहिष्णुता,...
काठमाडौं : प्रधानमन्त्री वालेन्द्र शाहले सुनसरीको देवानगन्ज, सिरहालगायतका क्षेत्रमा भएको हिंसात्मक घटनापछि उत्पन्न तनावपूर्ण अवस्थाप्रति सरकार पूर्ण रूपमा गम्भीर र संवेदनशील...
