हाल नेपालको अर्थतन्त्रमा देखिएकाे समस्या श्रीलंकाको बाटोमा छैन्ः पूर्व गभर्नर नेपाल

नयाँ विकल्प संवाददाता
प्रकाशित मिती: २०७८ चैत्र २९, १७: ५८

काठमाडौं । नेपाल राष्ट्र बैंकका पूर्व गभर्नर डा. चिरञ्जीवी नेपालले नेपालको अर्थतन्त्रको समस्या श्रीलंकाको बाटोमा नरहेको स्पष्ट पार्नुभएको छ । मंगलबार एक साक्षात्कार कार्यक्रममा पूर्व गभर्नर नेपालको अर्थतन्त्रमा देखिएको अहिलेको समस्या छिट्टै समाधान हुनेमा विश्वस्त पारे ।
नेपालको विदेशी ऋण पनि धेरै नरहेको भन्दै अहिलेको अवस्थामा सबैले संयमता अपनाउनुपर्ने बतए । उहाँले कोभिडपछिको अवस्थामा बजेटले सम्बोधन नगर्दा केन्द्रीय बैंकले सम्बोधन गरेको स्मरण गर्दै अर्थमन्त्री र केन्द्रीय बैंकबीच टसल हुने कुरा सामान्य भएको बताए ।

केन्द्रीय बैंक सधैं कडा रुपमा प्रस्तुत हुनुपर्नेमा जोड दिंदै विलासी वस्तुको आयात नगर्नेजस्ता विषयमा केन्द्रीय बैंकले सबैको समन्वयमा त्यसखालको नीति लिनुपर्ने बताए । हाल युक्रेन र रसियाको युद्धको कारण खाद्य र तेलको मूल्य बढेको बताउँदै निकट दिनहरुमा नै यसको समाधान हुने बताए ।

पछिल्लो समय केन्द्रीय बैंकले लिएको नीतिगत कुराले हालको अर्थतन्त्रमा रहेको समस्यालाई चाँडै नै सुधारमा ल्याउँनेमा विश्वास व्यक्त गरे ।