कठिन यात्राका साथ नेपाल आज युएईसँग भिड्दै

नयाँ विकल्प
प्रकाशित मिती: २०७८ मंसिर १२, ११: ५४

काठमाडौं । आईसीसी महिला टी–ट्वान्टी विश्वकप एसिया छनोटको अन्तिम खेलमा नेपाल आज युएईविरुद्ध भिड्दै छ। दुबईको आईसीसी एकेडेमी ग्राउन्डमा अहिले केही बेरमा दुई टोलीबीच खेल सुरु हुदै छ ।

ग्लोबल छनोटमा स्थान बनाउन नेपालले आजको खेलमा यूएईलाई ठूलो अन्तरले हराएर उसको भन्दा धेरै नेट रन रेट बनाउनु पर्नेछ। यूएई ८ अंकले अगाडि छ भने नेपाल र हङकङ समान ६–६ अंक छ। आजको खेलमा नेपालले जित निकाल्न सके नेपाल पनि समान ८ अंक जोड्न सफल हुनेछ।

६ टिम सहभागी प्रतियोगिताबाट एक टिमले ग्लोबल छनोटका लागि स्थान सुरक्षित गर्नेछ । शीर्षस्थानमा रहेर ग्लोबल छनोटमा पुग्ने अवसर नेपाल, यूएई र हङकङलाई छ तर छनोटमा २ अंक मात्र जोड्न सफल मलेसिया र भुटासँगै अंकविहीन कुवेत बाहिरिइसकेको छ।