सीमा क्षेत्र सम्झौतालाई एकतर्फी रूपमा रद्द गर्दै म्यान्मासँग खुला सीमामा तारबार लगाउने

नयाँ विकल्प विशेष संवाददाता
प्रकाशित मिती: २०८० माघ ८, ०७: २४

एजेन्सीः भारतले सीमा क्षेत्र सम्झौतालाई एकतर्फी रूपमा रद्द गर्दै म्यान्मासँग खुला सीमामा तारबार लगाउने भएका छ ।

विद्रोहीको आक्रमणबाट भागेर म्यान्माका सयौं सैनिक भारतमा प्रवेश गरेपछि गृहमन्त्री अमित शाहले सीमामा तारबार लगाउने घोषणा गरेका हुन् ।

भारत र म्यान्माबीच दुर्गम जंगलदेखि हिउँले ढाकिएका एक हजार दुई सय किलोमिटरभन्दा धेरै सीमा फैलिएको छ । गृहमन्त्री शाहले स्वतन्त्र आवागमन सम्झौता रद्द गर्दै तारबार लगाउने घोषणा गरेपछि सीमावर्ती क्षेत्रमा बसोबास गर्नेहरू प्रभावित हुने जनाइएको छ।

सीमा क्षेत्रका मानिस भिसाबिना एक अर्काको क्षेत्रमा ओहोरदोहोर गर्दै आइरहेका छन्। सीमावर्ती क्षेत्रमा दुवै देशका नागरिकबीच घनिष्ठ साँस्कृतिक तथा धार्मिक सम्बन्ध रहँदै आएको छ।

सन् २०२१ को सरकारी आँकडाअनुसार भारतले यसअघि नै पाकिस्तानसँगको आफ्नो सीमाको दुई हजार किलोमिटरभन्दा धेरै र बंगलादेशसँगको कम्तीमा तीन हजार एक सय किलोमिटरमा तारबार लगाइसकेको छ।

सम्बन्धित समाचार

दक्षिण जापानमा ७.१ म्याग्निच्युडको भूकम्प

२०८० माघ ८, ०७: २४

काठमाडौँ । दक्षिण जापानमा मंगलबार ७.१ म्याग्निच्युडको शक्तिशाली भूकम्प गएपछि व्यापक त्रास फैलिएको छ। स्थानीय सञ्चारमाध्यमका अनुसार भूकम्पका कारण कुमामोटोस्थित...