हिमालयन वाल्डर्फ स्कुलको अभिभावक दिवस सम्पन्न – Naya Bikalpa
November 21, 2026, Saturday      Epaper

हिमालयन वाल्डर्फ स्कुलको अभिभावक दिवस सम्पन्न

काठमाडौँ  | नागार्जुन नगरपालिका वडा नम्बर १ मा रहेको रानीवन अवस्थित  हिमालयन वाल्डर्फ स्कुलको चौथो  अभिभावक दिवस सम्पन्न भएको छ । शनिबार प्राङ्गणमा औपचारिक समारोहका बीच कार्यक्रम सम्पन्न गरिएको हो । विद्यालय र अभिभावक आपसमा परिपूरक हुनुपर्छ र अभिभावकको साथ र सहयोगले नै कुनै पनि विद्यालय सफल हुन सक्छ भन्ने कुरालाई मध्यनजर राख्दै अघि बढिरहेको हिमालयन वाल्डर्फले  सो कार्यक्रम सम्पन्न गरेको हो ।

यस अवसरमा विद्यालयले आफ्नो शैक्षिक उपलब्धिहरू सार्वजनिक गर्नुका साथै विद्यार्थीहरूलाई उनीहरूले सिकेका ज्ञान तथा सीप सांस्कृतिक नृत्य र गायन प्रस्तुत गर्ने अवसर प्रदान गरेको थियो ।

भविष्यको समाज निर्माण उद्देश्यका साथ शिक्षकहरूले विद्यार्थीको पढाइमा जोड दिनुपर्ने आवश्यकता औल्याउँदै विद्यालय   प्रमुख कृष्ण अधिकारीले विद्यार्थीको पढाइ सँगसँगै विद्यार्थीमा असल व्यवहार सिकाउने, स्वयम्सेवी भावना जगाउने, इमानदार हुने, श्रम गर्नुका साथै श्रमलाई सम्मान गर्ने र समाज र देशको सेवा गर्ने भावना जगाउन शिक्षकहरूले मेहनत गर्नुपर्ने बताएका छन्  ।

कार्यक्रमलाई सम्बोधन गर्दै विद्यालयकी संस्थापक सुजना सिम्विखडाले  विद्यालयले ४०० विद्यार्थीको व्यवस्थापन र शैक्षिक गतिविधि उत्कृष्ट ढंगले सञ्चालन गर्दै आएकोमा खुसी व्यक्त गरिन् । उनले विद्यार्थीको सबै प्रकारका प्रतिभा प्रस्फुटन गराउने कार्यमा विद्यालयलाई अझै सफलता मिलोस् भन्ने कामना गरिन् ।कार्यक्रममा अभिभावकको उल्लेख्य उपस्थिति माझ विद्यार्थीले रचनात्मक नृत्य, गीत, प्रहसन तथा नाटकमार्फत आ–आफ्ना प्रतिभाहरू प्रस्तुत गरेका थिए ।

विद्यालयका शैक्षिक क्रियाकलाप जीवनोपयोगी र गुणस्तरीय रहेकाले अझ उत्तरोतर प्रगतिको कामना गर्दै  अभिभावकले विद्यालयको  सर्वपक्षीय क्षमता अभिवृद्धि गर्ने खालका कार्यक्रम अगाडि बढाएकाले बालबालिकाको चिन्ताबाट मुक्त रहेको  शिक्षकहरुले बिचार राखेका थिए ।कार्यक्रममा विद्यालयका विद्यार्थीहरूबाट नृत्य तथा विभिन्न क्रियाकलाप प्रस्तुत गरिएको थियो । अभिभावक दिवसकै अवसरमा विद्यालयका विद्यार्थीहरूले तयार पारेका विभिन्न वस्तु तथा सामग्रीको प्रदर्शनी गरेका थिए । व्यावहारिक र सैद्धान्तिक शिक्षा प्रदान गर्ने उद्देश्यका हिमालयन वाल्डर्फ स्कुलको अभिभावक दिवस सम्पन्न गरेको छ।

सम्बन्धित समाचार

त्रिवि र हुलाक सेवाबीच सम्झौता : शैक्षिक प्रमाणपत्र अब विद्यार्थीको घरमै पुग्ने
त्रिवि र हुलाक सेवाबीच सम्झौता : शैक्षिक प्रमाणपत्र अब विद्यार्थीको घरमै पुग्ने
  • २०८१ फाल्गुन २६, १२: २८

काठमाडौँ । त्रिभुवन विश्वविद्यालयले जारी गर्ने शैक्षिक प्रमाणपत्र तथा अन्य कार्यालयीय कागजात अब हुलाक सेवामार्फत सिधै विद्यार्थीको घरमै पुर्‍याइने भएको...

६ विश्वविद्यालयमा शिक्षाध्यक्ष र रजिस्ट्रार नियुक्त
६ विश्वविद्यालयमा शिक्षाध्यक्ष र रजिस्ट्रार नियुक्त
  • २०८१ फाल्गुन २६, १२: २८

काठमाडौँ । ६ वटा विश्वविद्यालयमा शिक्षाध्यक्ष र रजिस्ट्रार नियुक्त भएका छन्। प्रधानमन्त्री तथा कुलपति बालेन शाहले सम्बन्धित विश्वविद्यालयका उपकुलपतिको सिफारिसमा...

शैक्षिक समस्याको दीगो नीतिगत समाधान खोज्छौँ : मन्त्री पोखरेल
शैक्षिक समस्याको दीगो नीतिगत समाधान खोज्छौँ : मन्त्री पोखरेल
  • २०८१ फाल्गुन २६, १२: २८

काठमाडौं । शिक्षा तथा खेलकुदमन्त्री सस्मित पोखरेलले संवाद र सरोकारवालाको सुझावका आधारमा शिक्षा क्षेत्रका समस्याको दीगो नीतिगत समाधान खोज्ने बताएका...