नेप्से मंगलबार ३० अंकले घट्दा ,२,८४६.३० विन्दु कायम – Naya Bikalpa
November 21, 2026, Saturday      Epaper

नेप्से मंगलबार ३० अंकले घट्दा ,२,८४६.३० विन्दु कायम

काठमाडौं । नेपाल स्टक एक्सचेन्ज (नेप्से) मंगलबार ३० अंकले घटेको छ । बजार ३०.३६ अंकले घट्दा समग्र बजार मापक २,८४६.३० विन्दुमा कायम भएको हो ।

आज ४१ कम्पनीको सेयरमूल्य बढेको छ । यस्तै, १९८ कम्पनीको सेयरमूल्य घटेको छ । बजारसँगै कारोबार रकममा पनि कमी आएको छ । अघिल्ला दुई दिन १४ अर्बको हाराहारी पुगेको कारोबार रकम मंगलबार १२ अर्बको हाराहारीमा झरेको छ ।

यस दिन १२ अर्ब ९४ करोड ६४ लाख रुपैयाँ बराबरको सेयर खरिदबिक्री भएको छ । दुई करोड ६३ लाख ८९ हजार ९१० कित्ता सेयर एक लाख २२ हजार ३३६ पटकमा खरिदबिक्री भयो ।

गार्डियन माइक्रो फाइनान्सको मूल्यमा सकारात्मक सर्किट ब्रेकर लाग्यो । यस कम्पनीको सेयरमूल्य १० प्रतिशतले बढेर १३८२ रुपैयाँ कायम भएको छ ।

आत्मनिर्भर लघुवित्त, युनिभर्सल पावर, बरुण हाइड्रो, शिवश्री हाइड्रोलगायत कम्पनी धेरै कमाउनेको शीर्ष स्थानमा रहे ।

सिन्धु विकास बैंकको सेयर मूल्यमा नकारात्मक सर्किट लाग्यो । १० प्रतिशतले मूल्य घट्दा १,२३३ रुपैयाँ कायम भएको छ । सिर्जशील लघुवित्त, नेपाल रिपब्लिक मिडिया, समाज लघुवित्त, अभियान लघुवित्त उच्च गुमाउने शीर्ष कम्पनीमा परे ।

३० अंक गिरावट देखिएको बजारमा समूहगतका सम्पूर्ण सूचक राताम्मे देखिए । सबैभन्दा धेरै उत्पादन तथा प्रशोधन समूहको सेयरमूल्य घटेको छ । यो समूह २.२१ प्रतिशतले घट्यो । यस्तै, फाइनान्स समूह २.१० प्रतिशतले घटेको छ ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८१ फाल्गुन २०, १६: १४

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८१ फाल्गुन २०, १६: १४

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०८१ फाल्गुन २०, १६: १४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...