कवाड व्यवसायीले काठमाडौं महानगरपालिका घेराउ गर्ने – Naya Bikalpa
November 21, 2026, Saturday      Epaper

कवाड व्यवसायीले काठमाडौं महानगरपालिका घेराउ गर्ने

काठमाडौं । काठमाडौं महानगरपालिकाका मेयर बालेन शाहको मनोमानी र ज्यादती बिरुद्ध कवाड व्यवसायीले महानगर घेर्ने चेतावनी दिएका छन् ।

कवाड व्यवसायी समाज नेपालले आज काठमाडौं रिपोर्टर्स क्लबमा पत्रकार सम्मेलन गर्दै यस्तो चेतावनी दिएको हो । समाजका अध्यक्ष रामकेवल गुप्ताले व्यवसायीमाथि भइरहेको ज्यादतीको विरुद्धमा महानगर घेर्ने बताए ।

डेढ वर्षदेखि आफूहरुले आन्दोलन गर्दा पनि नशाको धुनमा सुतिरहेका महानगरका मेयर शाहले समस्याको कुनै समाधान नै नखोजेको उनले बताए । नगरप्रहरीको दमनकै कारण मेयर बालेनको दुर्गति सुरु भइसकेको उनले बताए ।

उनले कवाड व्यवसायीमाथि महानगरपालिकाद्धारा भईरहेको ज्यादती तत्काल रोक्न माग गरेका छन् । कवाड व्यवसायी समाजले आफूहरुमाथि महानगरले गरिरहेको ज्यादती रोकेर सहज ढंगले व्यवसाय गर्ने वातावरण निर्माण गरिदिन आग्रह गरेको छ । आफूहरुमाथि भइरहेको ज्यादती नरोकिएको खण्डमा थप संघर्षका कदमहरु अगाडि बढाउने उनीहरुको चेतावनी छ ।

महानगरले कवाड व्यवासायीहरुको व्यवसायस्थलमा डोजर आतंक मच्चाएको, तोडफोड गरेको, साईकल र समान जफत गरेको उनीहरुको आरोप छ । उनीहरुले आफूहरुको जिउ, धनको रक्षाका लागि सरोकारवालाहरुको पनि ध्यानाकार्षण गराएका छन् ।

पत्रकार सम्मेलनमा आम जनता पार्टी (आजपा)का उपमहासचिव एवं प्रवक्ता चन्द्रभुषण साहले काठमाडौं महानगरले शक्ति केन्द्र र सिण्डिकेटधारी व्यवसायीको आडमा आम सर्वसाधारणले गरिरहेको पेशा व्यवसाय खोस्ने काम गरिरहेको बताए । अब कडाव व्यवसायीले पनि आफ्नो सुरक्षाका लागि दस्ता अगाडि सार्ने उनले चेतावनी दिए ।

आईटी आर्मीका सचिव आर्या पाण्डेले काठमाडौं महानगरपालिकाका मेयर बालेन शाह साईकल चोर भएको टिप्पणी गरेका छन् । पाण्डेले मधेस सरकार नयाँ साईकल चोर हो भने काठमाडौंका मेयर बालेन शाह पुरानो साईकल चोर भएको आरोप लगाए ।

‘तपाई (बालेन) रोजगार दिनसक्नुहुन्न भने तपाईलाई रोजगार खोस्ने अधिकार कसले दियो । तपाई त केपी ओलीको बाटोमा हिडिराख्नुभएको छ । मधेस सरकार नयाँ साईकल चोर हो भने तपाई त गुण्डागदी शैलीमा बाटोमा हिडनेको पुरानो साईकल चोर्दै हिडिराख्नुभएको छ’, पाण्डेले भने, ‘कवाड व्यवसायीको साईकल जबरजस्ती चोरी गर्ने तपाई (बालेन) महाचोर हो ।’

संघर्ष समितिका नेता ओमप्रकाश सिंह, जोगेन्द्र साह, मनोहर जैसवाल, सुरेश साह, सरोज श्रेष्ठ, गोपाल जैसवाल, उपेन्द्र साह, रविशंकर जैसवाल, कृष्ण यादव, श्याम यादव, आर्या पाण्डेलगायतको सहभागिता रहेको थियो ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८१ चैत्र ११, १७: १६

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८१ चैत्र ११, १७: १६

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०८१ चैत्र ११, १७: १६

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...