- अनामनगर काठमाडौँ
- infobikalpa21@gmail.com
येँ : स्वास्थ्य नापं जनसङ्ख्यामन्त्री प्रदीप पौडेलं सङ्घीय अस्पताल विकास समितिया मुक्कं आम्दानीया छगू प्रतिशत स्वास्थ्य बिमा कोषय् मुंकेगु निर्णय यानादीगु दु ।
थौं मन्त्रिस्तरीय निर्णय यासें मन्त्री पौडेलं स्वास्थ्य बिमा ऐनय् व्यवस्था दुसां आःतक सक्रिय मजूगु स्वास्थ्य बिमा कोष सक्रिय यायेगु व उगु द्यबा कोषपाखें हे मुंकेगु निर्णय यानादीगु खः ।
अर्थमन्त्रालयं सहमति बिइधुंकूगगुलिं स्वास्थ्य बिमा बोर्डयात थप स्रोत कायेगु निंतिं लँपु चाःगु दु । आःतक कोष हे सक्रिय मजूबलय् स्वास्थ्य नापं जनसङ्ख्या मन्त्रालयपाखें वइगु द्यबा हे कोषया आयस्रोत जुयाच्वंगु खः ।
मन्त्री पौडेलं स्वास्थ्य बिमा कोषयात बल्लाका जक स्वास्थ्य बिमा ज्याझ्वःया प्रभावकारिता अप्वयेके फइगु विश्वास प्वंकादिल । मन्त्री पौडेलं कन्हेया न्हिस स्वास्थ्य बिमा सुधार सुझाव कार्यदलया प्रतिवेदनया लिधंसाय् च्वनाः सुधारया मेमेगु ज्याय् सरकार न्ह्यावनीगु धयादिल ।
छुं ई न्ह्यः सार्वजनिक याःगु बिमा सुधार सुझाव कार्यदलया प्रतिवेदनं राज्यपाखें तलब नइपिं कर्मचारीतय् तलबया छगू प्रतिशत कर्मचारी व ल्यंगू छगू प्रतिशत राज्यं बिइमाःगु नापं स्वास्थ्यय् लिच्वः लाइगु पदार्थया करया द्यबा कोषय् वनीगु व्यवस्था यायेमाःगु सुझाः ब्यूगु खः ।
स्वास्थ्य बिमा कोष बल्लाकेत आःया निर्णयं योगदान बिइगु विश्वास यानागु धकाः मन्त्रालयया प्रवक्ता डा प्रकाश बुढाथोकीं धयादिल ।
काठमाडौं : नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा (एमाले) सँग राष्ट्रिय मुद्दाहरूमा सहकार्य हुनसक्ने भएपनि तत्काल...
चितवन : कात्तिक ९ देखि ११ गतेसम्म नेपाल–भारत क्रस बोर्डर टुरिजम कनेक्ट २०२६ कार्यक्रम आयोजना हुने भएको छ । गैरआवासीय...
कास्की : पोखरामा औषधि पसलका आवरणमा प्रतिबन्धित लागुऔषको कारोबार हुने गरेको फेला परेको छ । औषधि बिक्री गर्ने पसलबाटै ठूलो...
