राकम कर्णालीइ ५० शय्याया स्याटलाइट अस्पताल सञ्चालनया कार्ययोजना स्वीकृत

नयाँ विकल्प संवाददाता
प्रकाशित मिती: २०८१ चैत्र १७, २०: ४५

येँ : कर्णाली स्वास्थ्य विज्ञान प्रतिष्ठानया सभाया ११ क्वःगु बैठकं दैलेखया आठबीसकोट नगरपालिकाय् राकम कर्णालीइ ५० शय्याया स्याटलाइट अस्पताल सञ्चालनया कार्ययोजना स्वीकृत याःगु दु ।

प्रधानमन्त्री निवास, बालुवाटारय् थौं जूगु बैठकपाखें उगु थासय् न्हापा १५ शय्याया अस्पताल दूगुलिइ थुकियात स्तरोन्नति यायेगु नेपाल सरकार मन्त्रिपरिषद्या निर्णय कार्यान्वय्नया निंतिं माःगु प्रक्रिया न्ह्याकेगु कार्ययोजना अनुमोदन याःगु खः । उगु अस्पतालया पूर्वाधार, जनशक्ति व स्रोत सुनिश्चितताया निंतिं प्रतिष्ठानं नेपाल सरकार व मेमेगु पक्षनाप प्रस्ताव याइगु दु ।

बैठकय् प्रधानमन्त्री नापं प्रतिस्थानया कुलपति केपी शर्मा ओलीं कार्ययोजनाबारे सम्बन्धित स्थानीय तहतय्नाप माःगु परामर्श व मंकाःज्या यानाः याकनं ज्या न्ह्याकेत निर्देशन बियादीगु दु ।

वय्कलं प्रतिष्ठान न्ह्यासांनिसें हे नेपाल सरकारं पूर्ण लगानी याःगुलिं अस्पतालया स्तरोन्नति जुइधुंका अनया जनतातय्त अःपुक स्वास्थ्य सेवाया निंतिं सरकारं माक्वः ग्वाहालि यायेगु विश्वास बियादिल ।

सभाया बैठकय् प्रतिष्ठानया न्ह्यानाच्वंगु आर्थिक दँया ल्यंगु ई या बजेट पारित जुइगु नापनापं थगुनेया आर्थिक दँया आन्तरिक लेखा परीक्षणया प्रतिवेदन न्ह्यब्वःगु दु ।

अथे हे, बैठकपाखें आः वइगु आर्थिक दँया प्रस्तावित वार्षिक ज्याझ्वःनापंया बजेट पारित याःगु दुसा प्रतिष्ठानया खाली जुयाच्वंगु सभा दुजःतयेगु मनोनयन याःगु दु । मुँज्याय् स्वास्थ्य नापं जनसङ्ख्यामन्त्री प्रदीप पौडेल, राष्ट्रिय योजना आयोजया दुजः डा आरपी बिच्छा, प्रतिष्ठानया उपकुलपति डा मङ्गल रावललिसेंया ब्वति दूगु खः ।

सम्बन्धित समाचार

एमाले भ्रष्टाचारीलाई जोगाउने पार्टी हो, तत्काल एकता सम्भव छैन : प्रचण्ड

२०८१ चैत्र १७, २०: ४५

काठमाडौं : नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा (एमाले) सँग राष्ट्रिय मुद्दाहरूमा सहकार्य हुनसक्ने भएपनि तत्काल...